| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༧. ནདུབྦྷིཡསུཏྟཝཎྞནཱ
7. Nadubbhiyasuttavaṇṇanā
༢༥༣. སུཔཙྩཏྠིཀོཏི སུཊྛུ ཨཏིཝིཡ པཙྩཏྠིཀོ པཊིསཏྟུ། གཧིཏོསཱིཏི དེཝཔཱསེན བནྡྷིཏྭཱ གཧིཏོ ཨསི། བདྡྷོཝ ཨཧོསི སཀྐསྶ པུཉྙཱནུབྷཱཝེན། ཙེཏིཡརཱཛཱ ཀིར ཨིམསྨིཾ ཀཔྤེ ཏཏོ པུབྦེ ཀེནཙི ཨཝུཏྟཔུབྦཾ ཁརམུསཱཝཱདཾ ཨབྷཱསི, ཏཱཝདེཝ ཝིརཛ྄ཛྷིཏྭཱ མཧཱཔཐཝིཡཱ ཝིཝརེ དིནེ ནིཔཏིཏྭཱ ཨཝཱིཙིཨགྒིཛཱལཱནམིནྡནམཧོསི། ཏཾ སནྡྷཱཡ ཝུཏྟཾ ‘‘ཙེཏིཡརཉྙོ པཱཔཾ སནྡྷཱཡཱ’’ཏི། མཧཱཔཱཔཱནཱིཏི མཧནྟཱནི གརུཏརཱནི པཱཔཱནི། ཏཐཱ ཧི ཝེཔཙིཏྟིནོ སཔཐཀརཎེ ནིདསྶནབྷཱཝེན ཨེཏཱནི ཨཊྛཀཐཱཡཾ ཨཱགཏཱནཱིཏི།
253.Supaccatthikoti suṭṭhu ativiya paccatthiko paṭisattu. Gahitosīti devapāsena bandhitvā gahito asi. Baddhova ahosi sakkassa puññānubhāvena. Cetiyarājā kira imasmiṃ kappe tato pubbe kenaci avuttapubbaṃ kharamusāvādaṃ abhāsi, tāvadeva virajjhitvā mahāpathaviyā vivare dine nipatitvā avīciaggijālānamindanamahosi. Taṃ sandhāya vuttaṃ ‘‘cetiyarañño pāpaṃ sandhāyā’’ti. Mahāpāpānīti mahantāni garutarāni pāpāni. Tathā hi vepacittino sapathakaraṇe nidassanabhāvena etāni aṭṭhakathāyaṃ āgatānīti.
ནདུབྦྷིཡསུཏྟཝཎྞནཱ ནིཊྛིཏཱ།
Nadubbhiyasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༧. ནདུབྦྷིཡསུཏྟཾ • 7. Nadubbhiyasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༧. ནདུབྦྷིཡསུཏྟཝཎྞནཱ • 7. Nadubbhiyasuttavaṇṇanā
