| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೨. ನದೀಕಸ್ಸಪತ್ಥೇರಅಪದಾನಂ
2. Nadīkassapattheraapadānaṃ
೨೯.
29.
‘‘ಪದುಮುತ್ತರಸ್ಸ ಭಗವತೋ, ಲೋಕಜೇಟ್ಠಸ್ಸ ತಾದಿನೋ।
‘‘Padumuttarassa bhagavato, lokajeṭṭhassa tādino;
ಪಿಣ್ಡಚಾರಂ ಚರನ್ತಸ್ಸ, ವಾರತೋ ಉತ್ತಮಂ ಯಸಂ।
Piṇḍacāraṃ carantassa, vārato uttamaṃ yasaṃ;
ಅಗ್ಗಫಲಂ ಗಹೇತ್ವಾನ, ಅದಾಸಿಂ ಸತ್ಥುನೋ ಅಹಂ॥
Aggaphalaṃ gahetvāna, adāsiṃ satthuno ahaṃ.
೩೦.
30.
‘‘ತೇನ ಕಮ್ಮೇನ ದೇವಿನ್ದೋ, ಲೋಕಜೇಟ್ಠೋ ನರಾಸಭೋ।
‘‘Tena kammena devindo, lokajeṭṭho narāsabho;
ಸಮ್ಪತ್ತೋಮ್ಹಿ ಅಚಲಂ ಠಾನಂ, ಹಿತ್ವಾ ಜಯಪರಾಜಯಂ॥
Sampattomhi acalaṃ ṭhānaṃ, hitvā jayaparājayaṃ.
೩೧.
31.
‘‘ಸತಸಹಸ್ಸಿತೋ ಕಪ್ಪೇ, ಯಂ ಫಲಂ ಅದದಿಂ ತದಾ।
‘‘Satasahassito kappe, yaṃ phalaṃ adadiṃ tadā;
ದುಗ್ಗತಿಂ ನಾಭಿಜಾನಾಮಿ, ಅಗ್ಗದಾನಸ್ಸಿದಂ ಫಲಂ॥
Duggatiṃ nābhijānāmi, aggadānassidaṃ phalaṃ.
೩೨.
32.
‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ॰… ವಿಹರಾಮಿ ಅನಾಸವೋ॥
‘‘Kilesā jhāpitā mayhaṃ…pe… viharāmi anāsavo.
೩೩.
33.
‘‘ಸ್ವಾಗತಂ ವತ ಮೇ ಆಸಿ…ಪೇ॰… ಕತಂ ಬುದ್ಧಸ್ಸ ಸಾಸನಂ॥
‘‘Svāgataṃ vata me āsi…pe… kataṃ buddhassa sāsanaṃ.
೩೪.
34.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ನದೀಕಸ್ಸಪೋ ಥೇರೋ ಇಮಾ ಗಾಥಾಯೋ
Itthaṃ sudaṃ āyasmā nadīkassapo thero imā gāthāyo
ಅಭಾಸಿತ್ಥಾತಿ।
Abhāsitthāti.
ನದೀಕಸ್ಸಪತ್ಥೇರಸ್ಸಾಪದಾನಂ ದುತಿಯಂ।
Nadīkassapattherassāpadānaṃ dutiyaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೨. ನದೀಕಸ್ಸಪತ್ಥೇರಅಪದಾನವಣ್ಣನಾ • 2. Nadīkassapattheraapadānavaṇṇanā
