| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
២. នទីកស្សបត្ថេរអបទានំ
2. Nadīkassapattheraapadānaṃ
២៩.
29.
‘‘បទុមុត្តរស្ស ភគវតោ, លោកជេដ្ឋស្ស តាទិនោ;
‘‘Padumuttarassa bhagavato, lokajeṭṭhassa tādino;
បិណ្ឌចារំ ចរន្តស្ស, វារតោ ឧត្តមំ យសំ;
Piṇḍacāraṃ carantassa, vārato uttamaṃ yasaṃ;
អគ្គផលំ គហេត្វាន, អទាសិំ សត្ថុនោ អហំ។
Aggaphalaṃ gahetvāna, adāsiṃ satthuno ahaṃ.
៣០.
30.
‘‘តេន កម្មេន ទេវិន្ទោ, លោកជេដ្ឋោ នរាសភោ;
‘‘Tena kammena devindo, lokajeṭṭho narāsabho;
សម្បត្តោម្ហិ អចលំ ឋានំ, ហិត្វា ជយបរាជយំ។
Sampattomhi acalaṃ ṭhānaṃ, hitvā jayaparājayaṃ.
៣១.
31.
‘‘សតសហស្សិតោ កប្បេ, យំ ផលំ អទទិំ តទា;
‘‘Satasahassito kappe, yaṃ phalaṃ adadiṃ tadā;
ទុគ្គតិំ នាភិជានាមិ, អគ្គទានស្សិទំ ផលំ។
Duggatiṃ nābhijānāmi, aggadānassidaṃ phalaṃ.
៣២.
32.
‘‘កិលេសា ឈាបិតា មយ្ហំ…បេ.… វិហរាមិ អនាសវោ។
‘‘Kilesā jhāpitā mayhaṃ…pe… viharāmi anāsavo.
៣៣.
33.
‘‘ស្វាគតំ វត មេ អាសិ…បេ.… កតំ ពុទ្ធស្ស សាសនំ។
‘‘Svāgataṃ vata me āsi…pe… kataṃ buddhassa sāsanaṃ.
៣៤.
34.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា នទីកស្សបោ ថេរោ ឥមា គាថាយោ
Itthaṃ sudaṃ āyasmā nadīkassapo thero imā gāthāyo
អភាសិត្ថាតិ។
Abhāsitthāti.
នទីកស្សបត្ថេរស្សាបទានំ ទុតិយំ។
Nadīkassapattherassāpadānaṃ dutiyaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ២. នទីកស្សបត្ថេរអបទានវណ្ណនា • 2. Nadīkassapattheraapadānavaṇṇanā
