| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៣. គយាកស្សបត្ថេរអបទានំ
3. Gayākassapattheraapadānaṃ
៣៥.
35.
ខារិកំ ហារយិត្វាន, កោលំ អហាសិ អស្សមំ។
Khārikaṃ hārayitvāna, kolaṃ ahāsi assamaṃ.
៣៦.
36.
‘‘ភគវា តម្ហិ សមយេ, ឯកោ អទុតិយោ ជិនោ;
‘‘Bhagavā tamhi samaye, eko adutiyo jino;
មមស្សមំ ឧបាគច្ឆិ, ជោតេន្តោ សព្ពកាលិកំ។
Mamassamaṃ upāgacchi, jotento sabbakālikaṃ.
៣៧.
37.
‘‘សកំ ចិត្តំ បសាទេត្វា, អភិវាទេត្វាន សុព្ពតំ;
‘‘Sakaṃ cittaṃ pasādetvā, abhivādetvāna subbataṃ;
ឧភោ ហត្ថេហិ បគ្គយ្ហ, កោលំ ពុទ្ធស្សទាសហំ។
Ubho hatthehi paggayha, kolaṃ buddhassadāsahaṃ.
៣៨.
38.
‘‘ឯកតិំសេ ឥតោ កប្បេ, យំ ផលំ អទទិំ តទា;
‘‘Ekatiṃse ito kappe, yaṃ phalaṃ adadiṃ tadā;
ទុគ្គតិំ នាភិជានាមិ, កោលទានស្សិទំ ផលំ។
Duggatiṃ nābhijānāmi, koladānassidaṃ phalaṃ.
៣៩.
39.
‘‘កិលេសា ឈាបិតា មយ្ហំ…បេ.… វិហរាមិ អនាសវោ។
‘‘Kilesā jhāpitā mayhaṃ…pe… viharāmi anāsavo.
៤០.
40.
‘‘ស្វាគតំ វត មេ អាសិ…បេ.… កតំ ពុទ្ធស្ស សាសនំ។
‘‘Svāgataṃ vata me āsi…pe… kataṃ buddhassa sāsanaṃ.
៤១.
41.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា គយាកស្សបោ ថេរោ ឥមា គាថាយោ
Itthaṃ sudaṃ āyasmā gayākassapo thero imā gāthāyo
អភាសិត្ថាតិ។
Abhāsitthāti.
គយាកស្សបត្ថេរស្សាបទានំ តតិយំ។
Gayākassapattherassāpadānaṃ tatiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៣. គយាកស្សបត្ថេរអបទានវណ្ណនា • 3. Gayākassapattheraapadānavaṇṇanā
