| Library / Tipiṭaka / តិបិដក • Tipiṭaka / បញ្ចបករណ-អដ្ឋកថា • Pañcapakaraṇa-aṭṭhakathā |
៩. ន វត្តព្ពំ សង្ឃស្ស ទិន្នំ មហប្ផលន្តិកថាវណ្ណនា
9. Na vattabbaṃ saṅghassa dinnaṃ mahapphalantikathāvaṇṇanā
៧៩៧-៧៩៨. ឥទានិ ន វត្តព្ពំ សង្ឃស្ស ទិន្នំ មហប្ផលន្តិកថា នាម ហោតិ។ តត្រាបិ ‘‘មគ្គផលានេវ សង្ឃោ នាម, ន ច សក្កា តេសំ កិញ្ចិ ទាតុំ, ន ច តេហិ បដិគ្គណ្ហិតុំ, នាបិ តេសំ ទានេន កោចិ ឧបការោ ឥជ្ឈតិ, តស្មា ន វត្តព្ពំ សង្ឃស្ស ទិន្នំ មហប្ផល’’ន្តិ យេសំ លទ្ធិ, សេយ្យថាបិ តេសំយេវ; តេ សន្ធាយ បុច្ឆា សកវាទិស្ស, បដិញ្ញា ឥតរស្ស។ អាហុនេយ្យោតិអាទិ ‘‘យទិ សង្ឃស្ស ទិន្នំ មហប្ផលំ ន ភវេយ្យ, ន នំ សត្ថា ឯវំ ថោមេយ្យា’’តិ ទស្សនត្ថំ វុត្តំ។ សេសំ យថាបាឡិមេវ និយ្យាតីតិ។
797-798. Idāni na vattabbaṃ saṅghassa dinnaṃ mahapphalantikathā nāma hoti. Tatrāpi ‘‘maggaphalāneva saṅgho nāma, na ca sakkā tesaṃ kiñci dātuṃ, na ca tehi paṭiggaṇhituṃ, nāpi tesaṃ dānena koci upakāro ijjhati, tasmā na vattabbaṃ saṅghassa dinnaṃ mahapphala’’nti yesaṃ laddhi, seyyathāpi tesaṃyeva; te sandhāya pucchā sakavādissa, paṭiññā itarassa. Āhuneyyotiādi ‘‘yadi saṅghassa dinnaṃ mahapphalaṃ na bhaveyya, na naṃ satthā evaṃ thomeyyā’’ti dassanatthaṃ vuttaṃ. Sesaṃ yathāpāḷimeva niyyātīti.
ន វត្តព្ពំ សង្ឃស្ស ទិន្នំ មហប្ផលន្តិកថាវណ្ណនា។
Na vattabbaṃ saṅghassa dinnaṃ mahapphalantikathāvaṇṇanā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (១៧៤) ៩. ន វត្តព្ពំ សង្ឃស្សទិន្នំ មហប្ផលន្តិកថា • (174) 9. Na vattabbaṃ saṅghassadinnaṃ mahapphalantikathā
