| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੧੦. ਨ વਤ੍ਤਬ੍ਬਂ ਬੁਦ੍ਧਸ੍ਸ ਦਿਨ੍ਨਂ ਮਹਪ੍ਫਲਨ੍ਤਿਕਥਾવਣ੍ਣਨਾ
10. Na vattabbaṃ buddhassa dinnaṃ mahapphalantikathāvaṇṇanā
੭੯੯. ਇਦਾਨਿ ਨ વਤ੍ਤਬ੍ਬਂ ਬੁਦ੍ਧਸ੍ਸ ਦਿਨ੍ਨਂ ਮਹਪ੍ਫਲਨ੍ਤਿਕਥਾ ਨਾਮ ਹੋਤਿ। ਤਤ੍ਥ ‘‘ਬੁਦ੍ਧੋ ਭਗવਾ ਨ ਕਿਞ੍ਚਿ ਪਰਿਭੁਞ੍ਜਤਿ, ਲੋਕਾਨੁવਤ੍ਤਨਤ੍ਥਂ ਪਨ ਪਰਿਭੁਞ੍ਜਮਾਨਂ વਿਯ ਅਤ੍ਤਾਨਂ ਦਸ੍ਸੇਤਿ, ਤਸ੍ਮਾ ਨਿਰੁਪਕਾਰਤ੍ਤਾ ਨ વਤ੍ਤਬ੍ਬਂ ਤਸ੍ਮਿਂ ਦਿਨ੍ਨਂ ਮਹਪ੍ਫਲ’’ਨ੍ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਤੇਸਂਯੇવ; ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਦ੍વਿਪਦਾਨਂ ਅਗ੍ਗੋਤਿਆਦਿ ‘‘ਮਨੁਸ੍ਸਦੁਸ੍ਸੀਲੇਪਿ ਦਾਨਂ ਸਹਸ੍ਸਗੁਣਂ ਹੋਤਿ, ਕਿਮਙ੍ਗਂ ਪਨ ਏવਰੂਪੇ ਅਗ੍ਗਪੁਗ੍ਗਲੇ’’ਤਿ ਦਸ੍ਸਨਤ੍ਥਂ વੁਤ੍ਤਂ। ਸੇਸਮੇਤ੍ਥ ਯਥਾਪਾਲ਼ਿਮੇવ ਨਿਯ੍ਯਾਤੀਤਿ।
799. Idāni na vattabbaṃ buddhassa dinnaṃ mahapphalantikathā nāma hoti. Tattha ‘‘buddho bhagavā na kiñci paribhuñjati, lokānuvattanatthaṃ pana paribhuñjamānaṃ viya attānaṃ dasseti, tasmā nirupakārattā na vattabbaṃ tasmiṃ dinnaṃ mahapphala’’nti yesaṃ laddhi, seyyathāpi tesaṃyeva; te sandhāya pucchā sakavādissa, paṭiññā itarassa. Dvipadānaṃ aggotiādi ‘‘manussadussīlepi dānaṃ sahassaguṇaṃ hoti, kimaṅgaṃ pana evarūpe aggapuggale’’ti dassanatthaṃ vuttaṃ. Sesamettha yathāpāḷimeva niyyātīti.
ਨ વਤ੍ਤਬ੍ਬਂ ਬੁਦ੍ਧਸ੍ਸ ਦਿਨ੍ਨਂ ਮਹਪ੍ਫਲਨ੍ਤਿਕਥਾવਣ੍ਣਨਾ।
Na vattabbaṃ buddhassa dinnaṃ mahapphalantikathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੭੫) ੧੦. ਨ વਤ੍ਤਬ੍ਬਂ ਬੁਦ੍ਧਸ੍ਸਦਿਨ੍ਨਂ ਮਹਪ੍ਫਲਨ੍ਤਿਕਥਾ • (175) 10. Na vattabbaṃ buddhassadinnaṃ mahapphalantikathā
