| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੧੧. ਦਕ੍ਖਿਣਾવਿਸੁਦ੍ਧਿਕਥਾવਣ੍ਣਨਾ
11. Dakkhiṇāvisuddhikathāvaṇṇanā
੮੦੦-੮੦੧. ਇਦਾਨਿ ਦਕ੍ਖਿਣਾવਿਸੁਦ੍ਧਿਕਥਾ ਨਾਮ ਹੋਤਿ। ਤਤ੍ਥ ‘‘ਯਦਿ ਪਟਿਗ੍ਗਾਹਕਤੋ ਦਕ੍ਖਿਣਾ વਿਸੁਜ੍ਝੇਯ੍ਯ, ਮਹਪ੍ਫਲਾ ਭવੇਯ੍ਯ। ਦਾਯਕੇਨ ਦਾਨਂ ਦਿਨ੍ਨਂ, ਪਟਿਗ੍ਗਾਹਕੇਨ વਿਪਾਕੋ ਨਿਬ੍ਬਤ੍ਤਿਤੋਤਿ ਅਞ੍ਞੋ ਅਞ੍ਞਸ੍ਸ ਕਾਰਕੋ ਭવੇਯ੍ਯ, ਪਰਂਕਤਂ ਸੁਖਦੁਕ੍ਖਂ ਆਪਜ੍ਜੇਯ੍ਯ, ਅਞ੍ਞੋ ਕਰੇਯ੍ਯ, ਅਞ੍ਞੋ ਪਟਿਸਂવੇਦੇਯ੍ਯ। ਤਸ੍ਮਾ ਦਾਯਕਤੋવ ਦਾਨਂ વਿਸੁਜ੍ਝਤਿ, ਨੋ ਪਟਿਗ੍ਗਾਹਕਤੋ, ਦਾਯਕਸ੍ਸੇવ ਚਿਤ੍ਤવਿਸੁਦ੍ਧਿ વਿਪਾਕਦਾਯਿਕਾ ਹੋਤੀ’’ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਉਤ੍ਤਰਾਪਥਕਾਨਂ; ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਆਹੁਨੇਯ੍ਯਾਤਿਆਦਿ ‘‘ਯਦਿ ਪਟਿਗ੍ਗਾਹਕਤੋ ਦਾਨਂ ਨ વਿਸੁਜ੍ਝੇਯ੍ਯ, ਕਿਮਸ੍ਸ ਆਹੁਨੇਯ੍ਯਾਦਿਭਾવੋ ਕਰੇਯ੍ਯਾ’’ਤਿ ਦਸ੍ਸਨਤ੍ਥਂ વੁਤ੍ਤਂ। ਅਞ੍ਞੋ ਅਞ੍ਞਸ੍ਸ ਕਾਰਕੋਤਿ ਯਦਿ ਦਾਯਕਸ੍ਸ ਦਾਨਚੇਤਨਾ ਪਟਿਗ੍ਗਾਹਕੇਨ ਕਤਾ ਭવੇਯ੍ਯ, ਯੁਤ੍ਤਰੂਪਂ ਸਿਯਾ। ਤਸ੍ਸ ਪਨ ਦਾਨਚੇਤਨਾ ਪਰਿਸੁਦ੍ਧਾ ਪਟਿਗ੍ਗਾਹਕਸਙ੍ਖਾਤਂ વਤ੍ਥੁਂ ਪਟਿਚ੍ਚ ਮਹਾવਿਪਾਕਟ੍ਠੇਨ વਿਸੁਜ੍ਝਤਿ, ਤਸ੍ਮਾ ਅਚੋਦਨਾ ਏਸਾ ‘‘ਪਟਿਗ੍ਗਾਹਕਤੋ ਦਾਨਂ વਿਸੁਜ੍ਝਤੀ’’ਤਿ।
800-801. Idāni dakkhiṇāvisuddhikathā nāma hoti. Tattha ‘‘yadi paṭiggāhakato dakkhiṇā visujjheyya, mahapphalā bhaveyya. Dāyakena dānaṃ dinnaṃ, paṭiggāhakena vipāko nibbattitoti añño aññassa kārako bhaveyya, paraṃkataṃ sukhadukkhaṃ āpajjeyya, añño kareyya, añño paṭisaṃvedeyya. Tasmā dāyakatova dānaṃ visujjhati, no paṭiggāhakato, dāyakasseva cittavisuddhi vipākadāyikā hotī’’ti yesaṃ laddhi, seyyathāpi uttarāpathakānaṃ; te sandhāya pucchā sakavādissa, paṭiññā itarassa. Āhuneyyātiādi ‘‘yadi paṭiggāhakato dānaṃ na visujjheyya, kimassa āhuneyyādibhāvo kareyyā’’ti dassanatthaṃ vuttaṃ. Añño aññassa kārakoti yadi dāyakassa dānacetanā paṭiggāhakena katā bhaveyya, yuttarūpaṃ siyā. Tassa pana dānacetanā parisuddhā paṭiggāhakasaṅkhātaṃ vatthuṃ paṭicca mahāvipākaṭṭhena visujjhati, tasmā acodanā esā ‘‘paṭiggāhakato dānaṃ visujjhatī’’ti.
ਦਕ੍ਖਿਣਾવਿਸੁਦ੍ਧਿਕਥਾવਣ੍ਣਨਾ।
Dakkhiṇāvisuddhikathāvaṇṇanā.
ਸਤ੍ਤਰਸਮੋ વਗ੍ਗੋ।
Sattarasamo vaggo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੭੬) ੧੧. ਦਕ੍ਖਿਣਾવਿਸੁਦ੍ਧਿਕਥਾ • (176) 11. Dakkhiṇāvisuddhikathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧੧. ਦਕ੍ਖਿਣਾવਿਸੁਦ੍ਧਿਕਥਾવਣ੍ਣਨਾ • 11. Dakkhiṇāvisuddhikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧੧. ਦਕ੍ਖਿਣਾવਿਸੁਦ੍ਧਿਕਥਾવਣ੍ਣਨਾ • 11. Dakkhiṇāvisuddhikathāvaṇṇanā
