| Library / Tipiṭaka / તિપિટક • Tipiṭaka / પઞ્ચપકરણ-અટ્ઠકથા • Pañcapakaraṇa-aṭṭhakathā |
૧૦. ન વત્તબ્બં બુદ્ધસ્સ દિન્નં મહપ્ફલન્તિકથાવણ્ણના
10. Na vattabbaṃ buddhassa dinnaṃ mahapphalantikathāvaṇṇanā
૭૯૯. ઇદાનિ ન વત્તબ્બં બુદ્ધસ્સ દિન્નં મહપ્ફલન્તિકથા નામ હોતિ. તત્થ ‘‘બુદ્ધો ભગવા ન કિઞ્ચિ પરિભુઞ્જતિ, લોકાનુવત્તનત્થં પન પરિભુઞ્જમાનં વિય અત્તાનં દસ્સેતિ, તસ્મા નિરુપકારત્તા ન વત્તબ્બં તસ્મિં દિન્નં મહપ્ફલ’’ન્તિ યેસં લદ્ધિ, સેય્યથાપિ તેસંયેવ; તે સન્ધાય પુચ્છા સકવાદિસ્સ, પટિઞ્ઞા ઇતરસ્સ. દ્વિપદાનં અગ્ગોતિઆદિ ‘‘મનુસ્સદુસ્સીલેપિ દાનં સહસ્સગુણં હોતિ, કિમઙ્ગં પન એવરૂપે અગ્ગપુગ્ગલે’’તિ દસ્સનત્થં વુત્તં. સેસમેત્થ યથાપાળિમેવ નિય્યાતીતિ.
799. Idāni na vattabbaṃ buddhassa dinnaṃ mahapphalantikathā nāma hoti. Tattha ‘‘buddho bhagavā na kiñci paribhuñjati, lokānuvattanatthaṃ pana paribhuñjamānaṃ viya attānaṃ dasseti, tasmā nirupakārattā na vattabbaṃ tasmiṃ dinnaṃ mahapphala’’nti yesaṃ laddhi, seyyathāpi tesaṃyeva; te sandhāya pucchā sakavādissa, paṭiññā itarassa. Dvipadānaṃ aggotiādi ‘‘manussadussīlepi dānaṃ sahassaguṇaṃ hoti, kimaṅgaṃ pana evarūpe aggapuggale’’ti dassanatthaṃ vuttaṃ. Sesamettha yathāpāḷimeva niyyātīti.
ન વત્તબ્બં બુદ્ધસ્સ દિન્નં મહપ્ફલન્તિકથાવણ્ણના.
Na vattabbaṃ buddhassa dinnaṃ mahapphalantikathāvaṇṇanā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૭૫) ૧૦. ન વત્તબ્બં બુદ્ધસ્સદિન્નં મહપ્ફલન્તિકથા • (175) 10. Na vattabbaṃ buddhassadinnaṃ mahapphalantikathā
