| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៨. មុដ្ឋិបូជកត្ថេរអបទានំ
8. Muṭṭhipūjakattheraapadānaṃ
៤២.
42.
‘‘សុមេធោ នាម ភគវា, លោកជេដ្ឋោ នរាសភោ;
‘‘Sumedho nāma bhagavā, lokajeṭṭho narāsabho;
បច្ឆិមេ អនុកម្បាយ, បធានំ បទហី ជិនោ។
Pacchime anukampāya, padhānaṃ padahī jino.
៤៣.
43.
‘‘តស្ស ចង្កមមានស្ស, ទ្វិបទិន្ទស្ស តាទិនោ;
‘‘Tassa caṅkamamānassa, dvipadindassa tādino;
គិរិនេលស្ស បុប្ផានំ, មុដ្ឋិំ ពុទ្ធស្ស រោបយិំ។
Girinelassa pupphānaṃ, muṭṭhiṃ buddhassa ropayiṃ.
៤៤.
44.
‘‘តេន ចិត្តប្បសាទេន, សុក្កមូលេន ចោទិតោ;
‘‘Tena cittappasādena, sukkamūlena codito;
តិំសកប្បសហស្សានិ, ទុគ្គតិំ នុបបជ្ជហំ។
Tiṃsakappasahassāni, duggatiṃ nupapajjahaṃ.
៤៥.
45.
‘‘តេវីសតិកប្បសតេ, សុនេលោ នាម ខត្តិយោ;
‘‘Tevīsatikappasate, sunelo nāma khattiyo;
សត្តរតនសម្បន្នោ, ឯកោ អាសិំ មហព្ពលោ។
Sattaratanasampanno, eko āsiṃ mahabbalo.
៤៦.
46.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា មុដ្ឋិបូជកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā muṭṭhipūjako thero imā gāthāyo abhāsitthāti.
មុដ្ឋិបូជកត្ថេរស្សាបទានំ អដ្ឋមំ។
Muṭṭhipūjakattherassāpadānaṃ aṭṭhamaṃ.
