| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៩. កិំកណិកបុប្ផិយត្ថេរអបទានំ
9. Kiṃkaṇikapupphiyattheraapadānaṃ
៤៧.
47.
‘‘សុមង្គលោតិ នាមេន, សយម្ភូ អបរាជិតោ;
‘‘Sumaṅgaloti nāmena, sayambhū aparājito;
បវនា និក្ខមិត្វាន, នគរំ បាវិសី ជិនោ។
Pavanā nikkhamitvāna, nagaraṃ pāvisī jino.
៤៨.
48.
‘‘បិណ្ឌចារំ ចរិត្វាន, និក្ខម្ម នគរា មុនិ;
‘‘Piṇḍacāraṃ caritvāna, nikkhamma nagarā muni;
កតកិច្ចោវ សម្ពុទ្ធោ, សោ វសី វនមន្តរេ។
Katakiccova sambuddho, so vasī vanamantare.
៤៩.
49.
‘‘កិំកណិបុប្ផំ បគ្គយ្ហ, ពុទ្ធស្ស អភិរោបយិំ;
‘‘Kiṃkaṇipupphaṃ paggayha, buddhassa abhiropayiṃ;
បសន្នចិត្តោ សុមនោ, សយម្ភុស្ស មហេសិនោ។
Pasannacitto sumano, sayambhussa mahesino.
៥០.
50.
‘‘ចតុន្នវុតិតោ កប្បេ, យំ បុប្ផមភិរោបយិំ;
‘‘Catunnavutito kappe, yaṃ pupphamabhiropayiṃ;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
៥១.
51.
‘‘ឆឡាសីតិម្ហិតោ កប្បេ, អបិលាសិសនាមកោ;
‘‘Chaḷāsītimhito kappe, apilāsisanāmako;
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
៥២.
52.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា កិំកណិកបុប្ផិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā kiṃkaṇikapupphiyo thero imā gāthāyo abhāsitthāti.
កិំកណិកបុប្ផិយត្ថេរស្សាបទានំ នវមំ។
Kiṃkaṇikapupphiyattherassāpadānaṃ navamaṃ.
