| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
муулабан̃н̃ад̇д̇иван̣н̣анаа
Mūlapaññattivaṇṇanā
55. ид̇о бадтааяаад̇и д̣̇удтуллабад̣̇ад̇о бадтааяа. мзт̇унад̇хаммо яат̇аа саруубзнзва д̣̇удтуллам̣, звам̣ д̣̇ассанаад̣̇ид̣̇удтуллад̇хаммабариваарад̇д̇ааби д̣̇удтулланд̇и д̣̇ассзд̇ум̣ яасмаад̇иаад̣̇и вуд̇д̇ам̣. авассуд̇аананд̇и мзт̇унарааг̇зна д̇инд̇аанам̣. барияудтид̇аананд̇и мзт̇унарааг̇зна абхибхууд̇ажид̇д̇аанам̣. мзт̇уна-сад̣̇д̣̇асса сад̣̇исасад̣̇д̣̇абааяааяад̇д̇аа вуд̇д̇ам̣ ‘‘сад̣̇исаана’’нд̇и, рад̇д̇ад̇аад̣̇ийхи сад̣̇исаананд̇и ад̇т̇о. ид̣̇ан̃жа язбхуяяад̇о вуд̇д̇ам̣ убхосу ан̃н̃ад̇арасса рааг̇аабхаавзби ид̇арасса мзт̇унасзванасам̣сид̣̇д̇хид̇о. мзт̇уна-сад̣̇д̣̇о ваа убхаяасад̣̇д̣̇абааяааяо, мзт̇унам̣ яуг̇ал̣ам̣ яамагам̣ убхаяанд̇и хи ад̇т̇ад̇о згам̣, д̇знааха ‘‘убхиннам̣ рад̇д̇аана’’нд̇и. ‘‘д̣̇ваяам̣д̣̇ваяасамаабад̇д̇ий’’д̇и хи баал̣ияамби вуд̇д̇ам̣. нимид̇д̇знаад̇и бхуммад̇т̇з гаран̣аважанам̣, ид̇т̇инимид̇д̇з ад̇д̇ано нимид̇д̇ам̣ бавзсзд̇ийд̇и ад̇т̇о. нимид̇д̇ам̣ ан̇г̇аж̇аад̇анд̇и ад̇т̇ад̇о згам̣. д̇илапаланд̇и саасабамад̇д̇ам̣ д̇илаб̣ийж̇ам̣ ад̇хиббзд̇ам̣, на госасахид̇ам̣ паланд̇и ааха ‘‘д̇илаб̣ийж̇амад̇д̇амбий’’д̇и. аллогаасзд̇и сабхаавзна бихид̇асса нимид̇д̇асса багад̇иваад̇зна асампудтз д̇инд̇аббад̣̇зсз. д̇аад̣̇исо бад̣̇зсо сажзби гзнажи ваад̇аад̣̇ивигаарзна сугкад̇и, д̇ат̇ааби аналлогаасод̇и убаггамад̇о баарааж̇игамзва.
55.Itopaṭṭhāyāti duṭṭhullapadato paṭṭhāya. Methunadhammo yathā sarūpeneva duṭṭhullaṃ, evaṃ dassanādiduṭṭhulladhammaparivārattāpi duṭṭhullanti dassetuṃ yasmātiādi vuttaṃ. Avassutānanti methunarāgena tintānaṃ. Pariyuṭṭhitānanti methunarāgena abhibhūtacittānaṃ. Methuna-saddassa sadisasaddapaayāyattā vuttaṃ ‘‘sadisāna’’nti, rattatādīhi sadisānanti attho. Idañca yebhuyyato vuttaṃ ubhosu aññatarassa rāgābhāvepi itarassa methunasevanasaṃsiddhito. Methuna-saddo vā ubhayasaddapaayāyo, methunaṃ yugaḷaṃ yamakaṃ ubhayanti hi atthato ekaṃ, tenāha ‘‘ubhinnaṃ rattāna’’nti. ‘‘Dvayaṃdvayasamāpattī’’ti hi pāḷiyampi vuttaṃ. Nimittenāti bhummatthe karaṇavacanaṃ, itthinimitte attano nimittaṃ pavesetīti attho. Nimittaṃ aṅgajātanti atthato ekaṃ. Tilaphalanti sāsapamattaṃ tilabījaṃ adhippetaṃ, na kosasahitaṃ phalanti āha ‘‘tilabījamattampī’’ti. Allokāseti sabhāvena pihitassa nimittassa pakativātena asamphuṭṭhe tintappadese. Tādiso padeso sacepi kenaci vātādivikārena sukkhati, tathāpi anallokāsoti upakkamato pārājikameva.
взмаж̇жханд̇и яат̇аа жад̇д̇аари бассаани апусанд̇о бавзсзд̇и, звам̣ гад̇авиварасса ид̇т̇инимид̇д̇асса аб̣бханд̇арад̇алам̣ вужжад̇и. бурисанимид̇д̇з бана маж̇жханд̇и аг̇г̇агодим̣ санд̇хааяа вад̣̇ад̇и. убарийд̇и маж̇жхимабаб̣б̣зна самин̃ж̇ид̇ваа бавзсияамаанасса ан̇г̇аж̇аад̇асса самин̃ж̇ид̇ан̇г̇улияаа маж̇жхимабаб̣б̣абидтисад̣̇исааг̇г̇агодиязва. хздтаа бавзсзнд̇од̇и ид̇т̇инимид̇д̇асса хздтаабхааг̇зна чубияамаанам̣ бавзсзнд̇о, яат̇аа ид̇т̇инимид̇д̇асса аллогаасам̣ хздтимад̇алам̣ д̇илаб̣ийж̇амад̇д̇амби ад̇д̇ано нимид̇д̇зна чубад̇и, звам̣ бавзсзнд̇од̇и ад̇т̇о. чубанамзва хзд̇т̇а бавзсанам̣, звам̣ сзсзсуби. маж̇жхзна бавзсзнд̇од̇и аб̣бханд̇арад̇алзна чубияамаанам̣ бавзсзнд̇о, яат̇аа аб̣бханд̇арад̇алам̣ чубад̇и, звам̣ бавзсзнд̇од̇и ад̇т̇о. гад̇т̇ажи ажчубанд̇ам̣ бавзсзд̇ваа аагаасаг̇ад̇амзва нийхаранд̇асса над̇т̇и баарааж̇игам̣, д̣̇уггадам̣ бана ход̇и чиннасийсавад̇т̇усмим̣ (баараа. 73) вияа. маж̇жхзнзва чубанд̇ам̣ бавзсзнд̇од̇и аг̇г̇агодияаа чубанд̇ам̣ бавзсзнд̇о. маж̇жхимабаб̣б̣абидтияаа сан̇гожзд̇ваад̇и нимид̇д̇ам̣ ад̇д̇ано маж̇жхимабаб̣б̣абидтияаа самин̃ж̇ид̇ваа убарибхааг̇зна чубанд̇ам̣ бавзсзнд̇оби. гим̣ вияа? самин̃ж̇ид̇ан̇г̇ули вияаад̇и яож̇анаа. ат̇а ваа маж̇жхимабаб̣б̣абидтияаа самин̃ж̇ид̇ан̇г̇ули вияаад̇и самб̣анд̇хо, самин̃ж̇ид̇ан̇г̇улим̣ ваа маж̇жхимабаб̣б̣абидтияаа бавзсзнд̇о вияаад̇иби яож̇зд̇аб̣б̣ам̣. убарибхааг̇знаад̇и сан̇гожид̇асса нимид̇д̇асса убаригодияаа.
Vemajjhanti yathā cattāri passāni aphusanto paveseti, evaṃ katavivarassa itthinimittassa abbhantaratalaṃ vuccati. Purisanimitte pana majjhanti aggakoṭiṃ sandhāya vadati. Uparīti majjhimapabbena samiñjitvā pavesiyamānassa aṅgajātassa samiñjitaṅguliyā majjhimapabbapiṭṭhisadisaaggakoṭiyeva. Heṭṭhā pavesentoti itthinimittassa heṭṭhābhāgena chupiyamānaṃ pavesento, yathā itthinimittassa allokāsaṃ heṭṭhimatalaṃ tilabījamattampi attano nimittena chupati, evaṃ pavesentoti attho. Chupanameva hettha pavesanaṃ, evaṃ sesesupi. Majjhena pavesentoti abbhantaratalena chupiyamānaṃ pavesento, yathā abbhantaratalaṃ chupati, evaṃ pavesentoti attho. Katthaci acchupantaṃ pavesetvā ākāsagatameva nīharantassa natthi pārājikaṃ, dukkaṭaṃ pana hoti chinnasīsavatthusmiṃ (pārā. 73) viya. Majjheneva chupantaṃ pavesentoti aggakoṭiyā chupantaṃ pavesento. Majjhimapabbapiṭṭhiyā saṅkocetvāti nimittaṃ attano majjhimapabbapiṭṭhiyā samiñjitvā uparibhāgena chupantaṃ pavesentopi. Kiṃ viya? Samiñjitaṅguli viyāti yojanā. Atha vā majjhimapabbapiṭṭhiyā samiñjitaṅguli viyāti sambandho, samiñjitaṅguliṃ vā majjhimapabbapiṭṭhiyā pavesento viyātipi yojetabbaṃ. Uparibhāgenāti saṅkocitassa nimittassa uparikoṭiyā.
ид̣̇аани бурисанимид̇д̇асса хздтаа вуд̇д̇зсу часу ‘‘убарий’’д̇и вуд̇д̇асса чадтасса таанасса васзна висум̣ жад̇д̇аари бассаани г̇ахзд̇ваа бурисанимид̇д̇з д̣̇асадтаанабхзд̣̇ам̣ д̣̇ассзнд̇о д̇ад̇т̇аад̇иаад̣̇имааха. хздтаа бана аг̇ахид̇аг̇г̇ахан̣авасзна ча таанаани вуд̇д̇аани. д̇улаад̣̇ан̣д̣асад̣̇исам̣ бавзсзнд̇ассаабийд̇и асамин̃ж̇ид̇ваа уж̇угам̣ бавзсзнд̇асса. жаммакийланд̇и зл̣агаад̣̇ийнам̣ г̇ийвааяа вияа нимид̇д̇з ж̇аад̇ам̣ жамман̇гурам̣, ‘‘ун̣н̣иг̇ан̣д̣о’’д̇иби вад̣̇анд̇и. ‘‘убахад̇агааяаббасаад̣̇а’’нд̇и авад̇ваа надтагааяаббасаад̣̇анд̇и важанзна убаад̣̇иннабхаавз сад̇и гзнажи бажжаязна убахад̇зби гааяаббасаад̣̇з убахад̇инд̣̇рияавад̇т̇усмим̣ (баараа. 73) вияа баарааж̇игамзваад̇и д̣̇ассзд̇и. ид̇т̇инимид̇д̇асса бана надтзби убаад̣̇иннабхаавз сад̇и мад̇асарийрз вияа баарааж̇игагкзд̇д̇ад̇аа на виж̇ахад̇ийд̇и взд̣̇ид̇аб̣б̣аа. мзт̇унассаад̣̇знаад̇и ид̣̇ам̣ гааяасам̣саг̇г̇арааг̇з сад̇и сан̇гхаад̣̇исзсо ход̇ийд̇и вуд̇д̇ам̣. б̣ийж̇аанийд̇и ан̣д̣аани.
Idāni purisanimittassa heṭṭhā vuttesu chasu ‘‘uparī’’ti vuttassa chaṭṭhassa ṭhānassa vasena visuṃ cattāri passāni gahetvā purisanimitte dasaṭṭhānabhedaṃ dassento tatthātiādimāha. Heṭṭhā pana agahitaggahaṇavasena cha ṭhānāni vuttāni. Tulādaṇḍasadisaṃ pavesentassāpīti asamiñjitvā ujukaṃ pavesentassa. Cammakhīlanti eḷakādīnaṃ gīvāya viya nimitte jātaṃ cammaṅkuraṃ, ‘‘uṇṇigaṇḍo’’tipi vadanti. ‘‘Upahatakāyappasāda’’nti avatvā naṭṭhakāyappasādanti vacanena upādinnabhāve sati kenaci paccayena upahatepi kāyappasāde upahatindriyavatthusmiṃ (pārā. 73) viya pārājikamevāti dasseti. Itthinimittassa pana naṭṭhepi upādinnabhāve sati matasarīre viya pārājikakkhettatā na vijahatīti veditabbā. Methunassādenāti idaṃ kāyasaṃsaggarāge sati saṅghādiseso hotīti vuttaṃ. Bījānīti aṇḍāni.
мукам̣ абид̇хааяаад̇и бамаад̣̇зна самуббаннамби хаасам̣ б̣ийж̇анияаа бадижчаад̣̇анамби агад̇ваа нисийд̣̇анам̣ аг̇аараванд̇и вуд̇д̇ам̣. ат̇а ваа абид̇хааяаад̇и бид̣̇ахид̇ваа, б̣ийж̇анияаа мукам̣ бадижчаад̣̇зд̇ваа хасамаанзна на нисийд̣̇ид̇аб̣б̣анд̇и ад̇т̇о. д̣̇анд̇авид̣̇ам̣саганд̇и д̣̇анд̇з д̣̇ассзд̇ваа. г̇аб̣бхид̇знаад̇и ‘‘аяуд̇д̇агат̇аа’’д̇и сан̇гожам̣ анаабаж̇ж̇анд̇зна, ниравасзсаад̇хиббааяагат̇анз сан̃ж̇аад̇уссаахзнаад̇и ад̇т̇о.
Mukhaṃ apidhāyāti pamādena samuppannampi hāsaṃ bījaniyā paṭicchādanampi akatvā nisīdanaṃ agāravanti vuttaṃ. Atha vā apidhāyāti pidahitvā, bījaniyā mukhaṃ paṭicchādetvā hasamānena na nisīditabbanti attho. Dantavidaṃsakanti dante dassetvā. Gabbhitenāti ‘‘ayuttakathā’’ti saṅkocaṃ anāpajjantena, niravasesādhippāyakathane sañjātussāhenāti attho.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамабаарааж̇игам̣ • 1. Paṭhamapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамабаарааж̇игам̣ • 1. Paṭhamapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / муулабан̃н̃ад̇д̇иван̣н̣анаа • Mūlapaññattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / муулабан̃н̃ад̇д̇игат̇ааван̣н̣анаа • Mūlapaññattikathāvaṇṇanā
