| Library / Tipiṭaka / တိပိဋက • Tipiṭaka / ကင္ခာဝိတရဏီ-အဘိနဝ-ဋီကာ • Kaṅkhāvitaraṇī-abhinava-ṭīkā |
၃. မောဟနသိက္ခာပဒဝဏ္ဏနာ
3. Mohanasikkhāpadavaṇṇanā
တသ္မိံ အနာစာရေတိ တသ္မိံ အနာစာရေ အာစိဏ္ဏေ။ မောက္ခော နတ္ထီတိ တသ္သာ အာပတ္တိယာ မောက္ခော နတ္ထိ။ တသ္သ တေတိ တသ္သ တဝ။ အလာဘာတိ ယေ အညေသံ ပာတိမောက္ခေ ဥဒ္ဒိသ္သမာနေ သာဓုကံ အဋ္ဌိံ ကတ္ဝာ မနသိကရဏသ္သ အာနိသံသသညိတာ ဒိဋ္ဌဓမ္မိကသမ္ပရာယိကာ စ လာဘာ ဣစ္ဆိတဗ္ဗာ, တေ သဗ္ဗေ တုယ္ဟံ အလာဘာ ဧဝ ဟောန္တိ။ ဒုလ္လဒ္ဓန္တိ ပုညဝိသေသေန လဒ္ဓမ္ပိ မနုသ္သတ္တံ ဒုလ္လဒ္ဓံ။ သာဓုကန္တိ သုဋ္ဌု။ အဋ္ဌိံ ကတ္ဝာတိ အတ္ထိကဘာဝံ ကတ္ဝာ, အတ္ထိကော ဟုတ္ဝာတိ ဝုတ္တံ ဟောတိ။ ဉတ္တိဒုတိယေန ကမ္မေနာတိ ‘‘သုဏာတု မေ, ဘန္တေ, သင္ဃော’’တိအာဒိနာ (ပာစိ. ၄၄၆) ပဒဘာဇနိယံ ဝုတ္တေန မောဟာရောပနကေန ဉတ္တိဒုတိယေန ကမ္မေန။
Tasmiṃanācāreti tasmiṃ anācāre āciṇṇe. Mokkho natthīti tassā āpattiyā mokkho natthi. Tassa teti tassa tava. Alābhāti ye aññesaṃ pātimokkhe uddissamāne sādhukaṃ aṭṭhiṃ katvā manasikaraṇassa ānisaṃsasaññitā diṭṭhadhammikasamparāyikā ca lābhā icchitabbā, te sabbe tuyhaṃ alābhā eva honti. Dulladdhanti puññavisesena laddhampi manussattaṃ dulladdhaṃ. Sādhukanti suṭṭhu. Aṭṭhiṃ katvāti atthikabhāvaṃ katvā, atthiko hutvāti vuttaṃ hoti. Ñattidutiyena kammenāti ‘‘suṇātu me, bhante, saṅgho’’tiādinā (pāci. 446) padabhājaniyaṃ vuttena mohāropanakena ñattidutiyena kammena.
အဓမ္မကမ္မေတိ ဧတ္ထ မောဟာရောပနကမ္မံ အဓိပ္ပေတံ။
Adhammakammeti ettha mohāropanakammaṃ adhippetaṃ.
မောဟနသိက္ခာပဒဝဏ္ဏနာ နိဋ္ဌိတာ။
Mohanasikkhāpadavaṇṇanā niṭṭhitā.
