| Library / Tipiṭaka / തിപിടക • Tipiṭaka / സുത്തനിപാതപാളി • Suttanipātapāḷi |
൧൫. മോഘരാജമാണവപുച്ഛാ
15. Mogharājamāṇavapucchā
൧൧൨൨.
1122.
‘‘ദ്വാഹം സക്കം അപുച്ഛിസ്സം, (ഇച്ചായസ്മാ മോഘരാജാ)
‘‘Dvāhaṃ sakkaṃ apucchissaṃ, (iccāyasmā mogharājā)
ന മേ ബ്യാകാസി ചക്ഖുമാ;
Na me byākāsi cakkhumā;
യാവതതിയഞ്ച ദേവീസി, ബ്യാകരോതീതി മേ സുതം.
Yāvatatiyañca devīsi, byākarotīti me sutaṃ.
൧൧൨൩.
1123.
‘‘അയം ലോകോ പരോ ലോകോ, ബ്രഹ്മലോകോ സദേവകോ;
‘‘Ayaṃ loko paro loko, brahmaloko sadevako;
ദിട്ഠിം തേ നാഭിജാനാതി, ഗോതമസ്സ യസസ്സിനോ.
Diṭṭhiṃ te nābhijānāti, gotamassa yasassino.
൧൧൨൪.
1124.
‘‘ഏവം അഭിക്കന്തദസ്സാവിം, അത്ഥി പഞ്ഹേന ആഗമം;
‘‘Evaṃ abhikkantadassāviṃ, atthi pañhena āgamaṃ;
കഥം ലോകം അവേക്ഖന്തം, മച്ചുരാജാ ന പസ്സതി’’.
Kathaṃ lokaṃ avekkhantaṃ, maccurājā na passati’’.
൧൧൨൫.
1125.
‘‘സുഞ്ഞതോ ലോകം അവേക്ഖസ്സു, മോഘരാജ സദാ സതോ;
‘‘Suññato lokaṃ avekkhassu, mogharāja sadā sato;
അത്താനുദിട്ഠിം ഊഹച്ച, ഏവം മച്ചുതരോ സിയാ;
Attānudiṭṭhiṃ ūhacca, evaṃ maccutaro siyā;
ഏവം ലോകം അവേക്ഖന്തം, മച്ചുരാജാ ന പസ്സതീ’’തി.
Evaṃ lokaṃ avekkhantaṃ, maccurājā na passatī’’ti.
മോഘരാജമാണവപുച്ഛാ പന്നരസമാ നിട്ഠിതാ.
Mogharājamāṇavapucchā pannarasamā niṭṭhitā.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / സുത്തനിപാത-അട്ഠകഥാ • Suttanipāta-aṭṭhakathā / ൧൫. മോഘരാജസുത്തവണ്ണനാ • 15. Mogharājasuttavaṇṇanā
