| Library / Tipiṭaka / ਤਿਪਿਟਕ • Tipiṭaka / ਸੁਤ੍ਤਨਿਪਾਤਪਾਲ਼ਿ • Suttanipātapāḷi |
੧੫. ਮੋਘਰਾਜਮਾਣવਪੁਚ੍ਛਾ
15. Mogharājamāṇavapucchā
੧੧੨੨.
1122.
‘‘ਦ੍વਾਹਂ ਸਕ੍ਕਂ ਅਪੁਚ੍ਛਿਸ੍ਸਂ, (ਇਚ੍ਚਾਯਸ੍ਮਾ ਮੋਘਰਾਜਾ)
‘‘Dvāhaṃ sakkaṃ apucchissaṃ, (iccāyasmā mogharājā)
ਨ ਮੇ ਬ੍ਯਾਕਾਸਿ ਚਕ੍ਖੁਮਾ।
Na me byākāsi cakkhumā;
ਯਾવਤਤਿਯਞ੍ਚ ਦੇવੀਸਿ, ਬ੍ਯਾਕਰੋਤੀਤਿ ਮੇ ਸੁਤਂ॥
Yāvatatiyañca devīsi, byākarotīti me sutaṃ.
੧੧੨੩.
1123.
‘‘ਅਯਂ ਲੋਕੋ ਪਰੋ ਲੋਕੋ, ਬ੍ਰਹ੍ਮਲੋਕੋ ਸਦੇવਕੋ।
‘‘Ayaṃ loko paro loko, brahmaloko sadevako;
ਦਿਟ੍ਠਿਂ ਤੇ ਨਾਭਿਜਾਨਾਤਿ, ਗੋਤਮਸ੍ਸ ਯਸਸ੍ਸਿਨੋ॥
Diṭṭhiṃ te nābhijānāti, gotamassa yasassino.
੧੧੨੪.
1124.
‘‘ਏવਂ ਅਭਿਕ੍ਕਨ੍ਤਦਸ੍ਸਾવਿਂ, ਅਤ੍ਥਿ ਪਞ੍ਹੇਨ ਆਗਮਂ।
‘‘Evaṃ abhikkantadassāviṃ, atthi pañhena āgamaṃ;
ਕਥਂ ਲੋਕਂ ਅવੇਕ੍ਖਨ੍ਤਂ, ਮਚ੍ਚੁਰਾਜਾ ਨ ਪਸ੍ਸਤਿ’’॥
Kathaṃ lokaṃ avekkhantaṃ, maccurājā na passati’’.
੧੧੨੫.
1125.
‘‘ਸੁਞ੍ਞਤੋ ਲੋਕਂ ਅવੇਕ੍ਖਸ੍ਸੁ, ਮੋਘਰਾਜ ਸਦਾ ਸਤੋ।
‘‘Suññato lokaṃ avekkhassu, mogharāja sadā sato;
ਅਤ੍ਤਾਨੁਦਿਟ੍ਠਿਂ ਊਹਚ੍ਚ, ਏવਂ ਮਚ੍ਚੁਤਰੋ ਸਿਯਾ।
Attānudiṭṭhiṃ ūhacca, evaṃ maccutaro siyā;
ਏવਂ ਲੋਕਂ ਅવੇਕ੍ਖਨ੍ਤਂ, ਮਚ੍ਚੁਰਾਜਾ ਨ ਪਸ੍ਸਤੀ’’ਤਿ॥
Evaṃ lokaṃ avekkhantaṃ, maccurājā na passatī’’ti.
ਮੋਘਰਾਜਮਾਣવਪੁਚ੍ਛਾ ਪਨ੍ਨਰਸਮਾ ਨਿਟ੍ਠਿਤਾ।
Mogharājamāṇavapucchā pannarasamā niṭṭhitā.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਸੁਤ੍ਤਨਿਪਾਤ-ਅਟ੍ਠਕਥਾ • Suttanipāta-aṭṭhakathā / ੧੫. ਮੋਘਰਾਜਸੁਤ੍ਤવਣ੍ਣਨਾ • 15. Mogharājasuttavaṇṇanā
