| Library / Tipiṭaka / ਤਿਪਿਟਕ • Tipiṭaka / ਸੁਤ੍ਤਨਿਪਾਤਪਾਲ਼ਿ • Suttanipātapāḷi |
੧੬. ਪਿਙ੍ਗਿਯਮਾਣવਪੁਚ੍ਛਾ
16. Piṅgiyamāṇavapucchā
੧੧੨੬.
1126.
‘‘ਜਿਣ੍ਣੋਹਮਸ੍ਮਿ ਅਬਲੋ વੀਤવਣ੍ਣੋ, (ਇਚ੍ਚਾਯਸ੍ਮਾ ਪਿਙ੍ਗਿਯੋ)
‘‘Jiṇṇohamasmi abalo vītavaṇṇo, (iccāyasmā piṅgiyo)
ਨੇਤ੍ਤਾ ਨ ਸੁਦ੍ਧਾ ਸવਨਂ ਨ ਫਾਸੁ।
Nettā na suddhā savanaṃ na phāsu;
ਮਾਹਂ ਨਸ੍ਸਂ ਮੋਮੁਹੋ ਅਨ੍ਤਰਾવ
Māhaṃ nassaṃ momuho antarāva
ਆਚਿਕ੍ਖ ਧਮ੍ਮਂ ਯਮਹਂ વਿਜਞ੍ਞਂ।
Ācikkha dhammaṃ yamahaṃ vijaññaṃ;
ਜਾਤਿਜਰਾਯ ਇਧ વਿਪ੍ਪਹਾਨਂ’’॥
Jātijarāya idha vippahānaṃ’’.
੧੧੨੭.
1127.
‘‘ਦਿਸ੍વਾਨ ਰੂਪੇਸੁ વਿਹਞ੍ਞਮਾਨੇ, (ਪਿਙ੍ਗਿਯਾਤਿ ਭਗવਾ)
‘‘Disvāna rūpesu vihaññamāne, (piṅgiyāti bhagavā)
ਰੁਪ੍ਪਨ੍ਤਿ ਰੂਪੇਸੁ ਜਨਾ ਪਮਤ੍ਤਾ।
Ruppanti rūpesu janā pamattā;
ਤਸ੍ਮਾ ਤੁવਂ ਪਿਙ੍ਗਿਯ ਅਪ੍ਪਮਤ੍ਤੋ,
Tasmā tuvaṃ piṅgiya appamatto,
ਜਹਸ੍ਸੁ ਰੂਪਂ ਅਪੁਨਬ੍ਭવਾਯ’’॥
Jahassu rūpaṃ apunabbhavāya’’.
੧੧੨੮.
1128.
‘‘ਦਿਸਾ ਚਤਸ੍ਸੋ વਿਦਿਸਾ ਚਤਸ੍ਸੋ, ਉਦ੍ਧਂ ਅਧੋ ਦਸ ਦਿਸਾ ਇਮਾਯੋ।
‘‘Disā catasso vidisā catasso, uddhaṃ adho dasa disā imāyo;
ਆਚਿਕ੍ਖ ਧਮ੍ਮਂ ਯਮਹਂ વਿਜਞ੍ਞਂ, ਜਾਤਿਜਰਾਯ ਇਧ વਿਪ੍ਪਹਾਨਂ’’॥
Ācikkha dhammaṃ yamahaṃ vijaññaṃ, jātijarāya idha vippahānaṃ’’.
੧੧੨੯.
1129.
‘‘ਤਣ੍ਹਾਧਿਪਨ੍ਨੇ ਮਨੁਜੇ ਪੇਕ੍ਖਮਾਨੋ, (ਪਿਙ੍ਗਿਯਾਤਿ ਭਗવਾ)
‘‘Taṇhādhipanne manuje pekkhamāno, (piṅgiyāti bhagavā)
ਸਨ੍ਤਾਪਜਾਤੇ ਜਰਸਾ ਪਰੇਤੇ।
Santāpajāte jarasā parete;
ਤਸ੍ਮਾ ਤੁવਂ ਪਿਙ੍ਗਿਯ ਅਪ੍ਪਮਤ੍ਤੋ, ਜਹਸ੍ਸੁ ਤਣ੍ਹਂ ਅਪੁਨਬ੍ਭવਾਯਾ’’ਤਿ॥
Tasmā tuvaṃ piṅgiya appamatto, jahassu taṇhaṃ apunabbhavāyā’’ti.
ਪਿਙ੍ਗਿਯਮਾਣવਪੁਚ੍ਛਾ ਸੋਲ਼ਸਮਾ ਨਿਟ੍ਠਿਤਾ।
Piṅgiyamāṇavapucchā soḷasamā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਸੁਤ੍ਤਨਿਪਾਤ-ਅਟ੍ਠਕਥਾ • Suttanipāta-aṭṭhakathā / ੧੬. ਪਿਙ੍ਗਿਯਸੁਤ੍ਤવਣ੍ਣਨਾ • 16. Piṅgiyasuttavaṇṇanā
