| Library / Tipiṭaka / ติปิฎก • Tipiṭaka / จูฬนิเทฺทสปาฬิ • Cūḷaniddesapāḷi |
๑๕. โมฆราชมาณวปุจฺฉา
15. Mogharājamāṇavapucchā
๑๔๑.
141.
‘‘ทฺวาหํ สกฺกํ อปุจฺฉิสฺสํ, [อิจฺจายสฺมา โมฆราชา]
‘‘Dvāhaṃ sakkaṃ apucchissaṃ, [iccāyasmā mogharājā]
น เม พฺยากาสิ จกฺขุมา;
Na me byākāsi cakkhumā;
ยาวตติยญฺจ เทวีสิ, พฺยากโรตีติ เม สุตํฯ
Yāvatatiyañca devīsi, byākarotīti me sutaṃ.
๑๔๒.
142.
‘‘อยํ โลโก ปโร โลโก, พฺรหฺมโลโก สเทวโก;
‘‘Ayaṃ loko paro loko, brahmaloko sadevako;
ทิฎฺฐิํ เต นาภิชานาติ, โคตมสฺส ยสสฺสิโนฯ
Diṭṭhiṃ te nābhijānāti, gotamassa yasassino.
๑๔๓.
143.
‘‘เอวํ อภิกฺกนฺตทสฺสาวิํ, อตฺถิ ปเญฺหน อาคมํ;
‘‘Evaṃ abhikkantadassāviṃ, atthi pañhena āgamaṃ;
กถํ โลกํ อเวกฺขนฺตํ, มจฺจุราชา น ปสฺสติ’’ฯ
Kathaṃ lokaṃ avekkhantaṃ, maccurājā na passati’’.
๑๔๔.
144.
‘‘สุญฺญโต โลกํ อเวกฺขสฺสุ, โมฆราช สทา สโต;
‘‘Suññato lokaṃ avekkhassu, mogharāja sadā sato;
อตฺตานุทิฎฺฐิํ อูหจฺจ, เอวํ มจฺจุตโร สิยา;
Attānudiṭṭhiṃ ūhacca, evaṃ maccutaro siyā;
เอวํ โลกํ อเวกฺขนฺตํ, มจฺจุราชา น ปสฺสตี’’ติฯ
Evaṃ lokaṃ avekkhantaṃ, maccurājā na passatī’’ti.
โมฆราชมาณวปุจฺฉา ปนฺนรสมาฯ
Mogharājamāṇavapucchā pannarasamā.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / จูฬนิเทฺทส-อฎฺฐกถา • Cūḷaniddesa-aṭṭhakathā / ๑๕. โมฆราชมาณวสุตฺตนิเทฺทสวณฺณนา • 15. Mogharājamāṇavasuttaniddesavaṇṇanā
