| Library / Tipiṭaka / তিপিটক • Tipiṭaka / চূল়নিদ্দেসপাল়ি • Cūḷaniddesapāḷi |
১৫. মোঘরাজমাণৰপুচ্ছা
15. Mogharājamāṇavapucchā
১৪১.
141.
‘‘দ্ৰাহং সক্কং অপুচ্ছিস্সং, [ইচ্চাযস্মা মোঘরাজা]
‘‘Dvāhaṃ sakkaṃ apucchissaṃ, [iccāyasmā mogharājā]
ন মে ব্যাকাসি চক্খুমা।
Na me byākāsi cakkhumā;
যাৰততিযঞ্চ দেৰীসি, ব্যাকরোতীতি মে সুতং॥
Yāvatatiyañca devīsi, byākarotīti me sutaṃ.
১৪২.
142.
‘‘অযং লোকো পরো লোকো, ব্রহ্মলোকো সদেৰকো।
‘‘Ayaṃ loko paro loko, brahmaloko sadevako;
দিট্ঠিং তে নাভিজানাতি, গোতমস্স যসস্সিনো॥
Diṭṭhiṃ te nābhijānāti, gotamassa yasassino.
১৪৩.
143.
‘‘এৰং অভিক্কন্তদস্সাৰিং, অত্থি পঞ্হেন আগমং।
‘‘Evaṃ abhikkantadassāviṃ, atthi pañhena āgamaṃ;
কথং লোকং অৰেক্খন্তং, মচ্চুরাজা ন পস্সতি’’॥
Kathaṃ lokaṃ avekkhantaṃ, maccurājā na passati’’.
১৪৪.
144.
‘‘সুঞ্ঞতো লোকং অৰেক্খস্সু, মোঘরাজ সদা সতো।
‘‘Suññato lokaṃ avekkhassu, mogharāja sadā sato;
অত্তানুদিট্ঠিং ঊহচ্চ, এৰং মচ্চুতরো সিযা।
Attānudiṭṭhiṃ ūhacca, evaṃ maccutaro siyā;
এৰং লোকং অৰেক্খন্তং, মচ্চুরাজা ন পস্সতী’’তি॥
Evaṃ lokaṃ avekkhantaṃ, maccurājā na passatī’’ti.
মোঘরাজমাণৰপুচ্ছা পন্নরসমা।
Mogharājamāṇavapucchā pannarasamā.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / চূল়নিদ্দেস-অট্ঠকথা • Cūḷaniddesa-aṭṭhakathā / ১৫. মোঘরাজমাণৰসুত্তনিদ্দেসৰণ্ণনা • 15. Mogharājamāṇavasuttaniddesavaṇṇanā
