| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៨. មិញ្ជវដំសកិយត្ថេរអបទានំ
8. Miñjavaṭaṃsakiyattheraapadānaṃ
៣៩.
39.
‘‘និព្ពុតេ លោកនាថម្ហិ, សិខិម្ហិ វទតំ វរេ;
‘‘Nibbute lokanāthamhi, sikhimhi vadataṃ vare;
វដំសកេហិ អាកិណ្ណំ, ពោធិបូជំ អកាសហំ។
Vaṭaṃsakehi ākiṇṇaṃ, bodhipūjaṃ akāsahaṃ.
៤០.
40.
‘‘ឯកត្តិំសេ ឥតោ កប្បេ, យំ បូជមករិំ តទា;
‘‘Ekattiṃse ito kappe, yaṃ pūjamakariṃ tadā;
ទុគ្គតិំ នាភិជានាមិ, ពោធិបូជាយិទំ ផលំ។
Duggatiṃ nābhijānāmi, bodhipūjāyidaṃ phalaṃ.
៤១.
41.
‘‘ឥតោ ឆព្ពីសតិកប្បេ, អហុំ មេឃព្ភនាមកោ;
‘‘Ito chabbīsatikappe, ahuṃ meghabbhanāmako;
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
៤២.
42.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា មិញ្ជវដំសកិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā miñjavaṭaṃsakiyo thero imā gāthāyo abhāsitthāti.
មិញ្ជវដំសកិយត្ថេរស្សាបទានំ អដ្ឋមំ។
Miñjavaṭaṃsakiyattherassāpadānaṃ aṭṭhamaṃ.
