| Library / Tipiṭaka / තිපිටක • Tipiṭaka / අපදානපාළි • Apadānapāḷi |
2. මිනෙලපුප්ඵියත්ථෙරඅපදානං
2. Minelapupphiyattheraapadānaṃ
5.
5.
‘‘සුවණ්ණවණ්ණො භගවා, සතරංසී පතාපවා;
‘‘Suvaṇṇavaṇṇo bhagavā, sataraṃsī patāpavā;
චඞ්කමනං සමාරූළ්හො, මෙත්තචිත්තො සිඛීසභො.
Caṅkamanaṃ samārūḷho, mettacitto sikhīsabho.
6.
6.
මිනෙලපුප්ඵං පග්ගය්හ, බුද්ධස්ස අභිරොපයිං.
Minelapupphaṃ paggayha, buddhassa abhiropayiṃ.
7.
7.
‘‘එකත්තිංසෙ ඉතො කප්පෙ, යං පුප්ඵමභිපූජයිං;
‘‘Ekattiṃse ito kappe, yaṃ pupphamabhipūjayiṃ;
දුග්ගතිං නාභිජානාමි, බුද්ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
8.
8.
‘‘එකූනතිංසකප්පම්හි, සුමෙඝඝනනාමකො;
‘‘Ekūnatiṃsakappamhi, sumeghaghananāmako;
සත්තරතනසම්පන්නො, චක්කවත්තී මහබ්බලො.
Sattaratanasampanno, cakkavattī mahabbalo.
9.
9.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා මිනෙලපුප්ඵියො ථෙරො ඉමා ගාථායො අභාසිත්ථාති.
Itthaṃ sudaṃ āyasmā minelapupphiyo thero imā gāthāyo abhāsitthāti.
මිනෙලපුප්ඵියත්ථෙරස්සාපදානං දුතියං.
Minelapupphiyattherassāpadānaṃ dutiyaṃ.
Footnotes:
