| Library / Tipiṭaka / තිපිටක • Tipiṭaka / අපදානපාළි • Apadānapāḷi |
3. කිඞ්කණිපුප්ඵියත්ථෙරඅපදානං
3. Kiṅkaṇipupphiyattheraapadānaṃ
10.
10.
‘‘කඤ්චනග්ඝියසඞ්කාසො, සබ්බඤ්ඤූ ලොකනායකො;
‘‘Kañcanagghiyasaṅkāso, sabbaññū lokanāyako;
ඔදකං දහමොග්ගය්හ, සිනායි ලොකනායකො.
Odakaṃ dahamoggayha, sināyi lokanāyako.
11.
11.
‘‘පග්ගය්හ කිඞ්කණිං 1 පුප්ඵං, විපස්සිස්සාභිරොපයිං;
‘‘Paggayha kiṅkaṇiṃ 2 pupphaṃ, vipassissābhiropayiṃ;
උදග්ගචිත්තො සුමනො, ද්විපදින්දස්ස තාදිනො.
Udaggacitto sumano, dvipadindassa tādino.
12.
12.
‘‘එකනවුතිතො කප්පෙ, යං පුප්ඵමභිරොපයිං;
‘‘Ekanavutito kappe, yaṃ pupphamabhiropayiṃ;
දුග්ගතිං නාභිජානාමි, බුද්ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
13.
13.
‘‘සත්තවීසතිකප්පම්හි, රාජා භීමරථො අහු;
‘‘Sattavīsatikappamhi, rājā bhīmaratho ahu;
සත්තරතනසම්පන්නො, චක්කවත්තී මහබ්බලො.
Sattaratanasampanno, cakkavattī mahabbalo.
14.
14.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා කිඞ්කණිපුප්ඵියො 3 ථෙරො ඉමා ගාථායො අභාසිත්ථාති.
Itthaṃ sudaṃ āyasmā kiṅkaṇipupphiyo 4 thero imā gāthāyo abhāsitthāti.
කිඞ්කණිපුප්ඵියත්ථෙරස්සාපදානං තතියං.
Kiṅkaṇipupphiyattherassāpadānaṃ tatiyaṃ.
Footnotes:
