| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៥. មីឡ្ហកសុត្តវណ្ណនា
5. Mīḷhakasuttavaṇṇanā
១៦១. បញ្ចមេ មីឡ្ហកាតិ គូថបាណកា។ គូថាទីតិ គូថភក្ខា។ គូថបូរាតិ អន្តោ គូថេន ភរិតា។ បុណ្ណា គូថស្សាតិ ឥទំ បុរិមស្សេវ អត្ថទីបនំ។ អតិមញ្ញេយ្យាតិ បច្ឆិមបាទេ ភូមិយំ ឋបេត្វា បុរិមបាទេ គូថស្ស ឧបរិ អារោបេត្វា ឋិតា ‘‘អហម្ហិ គូថាទី’’តិ ភណន្តី អតិមញ្ញេយ្យ។ បិណ្ឌបាតោ ចស្ស បូរោតិ អបរោបិស្ស បត្តបូរោ បណីតបិណ្ឌបាតោ ភវេយ្យ។ បញ្ចមំ។
161. Pañcame mīḷhakāti gūthapāṇakā. Gūthādīti gūthabhakkhā. Gūthapūrāti anto gūthena bharitā. Puṇṇā gūthassāti idaṃ purimasseva atthadīpanaṃ. Atimaññeyyāti pacchimapāde bhūmiyaṃ ṭhapetvā purimapāde gūthassa upari āropetvā ṭhitā ‘‘ahamhi gūthādī’’ti bhaṇantī atimaññeyya. Piṇḍapāto cassa pūroti aparopissa pattapūro paṇītapiṇḍapāto bhaveyya. Pañcamaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៥. មីឡ្ហកសុត្តំ • 5. Mīḷhakasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៥. មីឡ្ហកសុត្តវណ្ណនា • 5. Mīḷhakasuttavaṇṇanā
