| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៦. អសនិសុត្តវណ្ណនា
6. Asanisuttavaṇṇanā
១៦២. ឆដ្ឋេ កំ, ភិក្ខវេ, អសនិវិចក្កន្តិ, ភិក្ខវេ, កំ បុគ្គលំ មត្ថកេ បតិត្វា មទ្ទមានំ សុក្កាសនិចក្កំ អាគច្ឆតុ ។ អប្បត្តមានសន្តិ អនធិគតារហត្តំ។ ឥតិ ភគវា ន សត្តានំ ទុក្ខកាមតាយ, អាទីនវំ បន ទស្សេតុំ ឯវមាហ។ អសនិចក្កញ្ហិ មត្ថកេ បតិតំ ឯកមេវ អត្តភាវំ នាសេតិ, លាភសក្ការសិលោកេន បរិយាទិណ្ណចិត្តោ និរយាទីសុ អនន្តទុក្ខំ អនុភោតិ។ ឆដ្ឋំ។
162. Chaṭṭhe kaṃ, bhikkhave, asanivicakkanti, bhikkhave, kaṃ puggalaṃ matthake patitvā maddamānaṃ sukkāsanicakkaṃ āgacchatu . Appattamānasanti anadhigatārahattaṃ. Iti bhagavā na sattānaṃ dukkhakāmatāya, ādīnavaṃ pana dassetuṃ evamāha. Asanicakkañhi matthake patitaṃ ekameva attabhāvaṃ nāseti, lābhasakkārasilokena pariyādiṇṇacitto nirayādīsu anantadukkhaṃ anubhoti. Chaṭṭhaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៦. អសនិសុត្តំ • 6. Asanisuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៦. អសនិសុត្តវណ្ណនា • 6. Asanisuttavaṇṇanā
