| Library / Tipiṭaka / ਤਿਪਿਟਕ • Tipiṭaka / ਜਾਤਕਪਾਲ਼ਿ • Jātakapāḷi |
੩੭੨. ਮਿਗਪੋਤਕਜਾਤਕਂ (੫-੩-੨)
372. Migapotakajātakaṃ (5-3-2)
੧੧੬.
116.
ਅਗਾਰਾ ਪਚ੍ਚੁਪੇਤਸ੍ਸ, ਅਨਗਾਰਸ੍ਸ ਤੇ ਸਤੋ।
Agārā paccupetassa, anagārassa te sato;
ਸਮਣਸ੍ਸ ਨ ਤਂ ਸਾਧੁ, ਯਂ ਪੇਤਮਨੁਸੋਚਸਿ॥
Samaṇassa na taṃ sādhu, yaṃ petamanusocasi.
੧੧੭.
117.
ਸਂવਾਸੇਨ ਹવੇ ਸਕ੍ਕ, ਮਨੁਸ੍ਸਸ੍ਸ ਮਿਗਸ੍ਸ વਾ।
Saṃvāsena have sakka, manussassa migassa vā;
ਹਦਯੇ ਜਾਯਤੇ ਪੇਮਂ, ਨ ਤਂ ਸਕ੍ਕਾ ਅਸੋਚਿਤੁਂ॥
Hadaye jāyate pemaṃ, na taṃ sakkā asocituṃ.
੧੧੮.
118.
ਮਤਂ ਮਰਿਸ੍ਸਂ ਰੋਦਨ੍ਤਿ, ਯੇ ਰੁਦਨ੍ਤਿ ਲਪਨ੍ਤਿ ਚ।
Mataṃ marissaṃ rodanti, ye rudanti lapanti ca;
ਤਸ੍ਮਾ ਤ੍વਂ ਇਸਿ ਮਾ ਰੋਦਿ, ਰੋਦਿਤਂ ਮੋਘਮਾਹੁ ਸਨ੍ਤੋ॥
Tasmā tvaṃ isi mā rodi, roditaṃ moghamāhu santo.
੧੧੯.
119.
ਰੋਦਿਤੇਨ ਹવੇ ਬ੍ਰਹ੍ਮੇ, ਮਤੋ ਪੇਤੋ ਸਮੁਟ੍ਠਹੇ।
Roditena have brahme, mato peto samuṭṭhahe;
ਸਬ੍ਬੇ ਸਙ੍ਗਮ੍ਮ ਰੋਦਾਮ, ਅਞ੍ਞਮਞ੍ਞਸ੍ਸ ਞਾਤਕੇ॥
Sabbe saṅgamma rodāma, aññamaññassa ñātake.
੧੨੦.
120.
ਆਦਿਤ੍ਤਂ વਤ ਮਂ ਸਨ੍ਤਂ, ਘਤਸਿਤ੍ਤਂવ ਪਾવਕਂ।
Ādittaṃ vata maṃ santaṃ, ghatasittaṃva pāvakaṃ;
વਾਰਿਨਾ વਿਯ ਓਸਿਞ੍ਚਂ, ਸਬ੍ਬਂ ਨਿਬ੍ਬਾਪਯੇ ਦਰਂ॥
Vārinā viya osiñcaṃ, sabbaṃ nibbāpaye daraṃ.
੧੨੧.
121.
ਅਬ੍ਬਹਿ વਤ ਮੇ ਸਲ੍ਲਂ, ਯਮਾਸਿ ਹਦਯਸ੍ਸਿਤਂ।
Abbahi vata me sallaṃ, yamāsi hadayassitaṃ;
ਯੋ ਮੇ ਸੋਕਪਰੇਤਸ੍ਸ, ਪੁਤ੍ਤਸੋਕਂ ਅਪਾਨੁਦਿ॥
Yo me sokaparetassa, puttasokaṃ apānudi.
੧੨੨.
122.
ਸੋਹਂ ਅਬ੍ਬੂਲ਼੍ਹਸਲ੍ਲੋਸ੍ਮਿ, વੀਤਸੋਕੋ ਅਨਾવਿਲੋ।
Sohaṃ abbūḷhasallosmi, vītasoko anāvilo;
ਨ ਸੋਚਾਮਿ ਨ ਰੋਦਾਮਿ, ਤવ ਸੁਤ੍વਾਨ વਾਸવਾਤਿ॥
Na socāmi na rodāmi, tava sutvāna vāsavāti.
ਮਿਗਪੋਤਕਜਾਤਕਂ ਦੁਤਿਯਂ।
Migapotakajātakaṃ dutiyaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਜਾਤਕ-ਅਟ੍ਠਕਥਾ • Jātaka-aṭṭhakathā / [੩੭੨] ੨. ਮਿਗਪੋਤਕਜਾਤਕવਣ੍ਣਨਾ • [372] 2. Migapotakajātakavaṇṇanā
