| Library / Tipiṭaka / ತಿಪಿಟಕ • Tipiṭaka / ಥೇರಗಾಥಾಪಾಳಿ • Theragāthāpāḷi |
೮. ಮಿಗಜಾಲತ್ಥೇರಗಾಥಾ
8. Migajālattheragāthā
೪೧೭.
417.
‘‘ಸುದೇಸಿತೋ ಚಕ್ಖುಮತಾ, ಬುದ್ಧೇನಾದಿಚ್ಚಬನ್ಧುನಾ।
‘‘Sudesito cakkhumatā, buddhenādiccabandhunā;
ಸಬ್ಬಸಂಯೋಜನಾತೀತೋ, ಸಬ್ಬವಟ್ಟವಿನಾಸನೋ॥
Sabbasaṃyojanātīto, sabbavaṭṭavināsano.
೪೧೮.
418.
‘‘ನಿಯ್ಯಾನಿಕೋ ಉತ್ತರಣೋ, ತಣ್ಹಾಮೂಲವಿಸೋಸನೋ।
‘‘Niyyāniko uttaraṇo, taṇhāmūlavisosano;
ವಿಸಮೂಲಂ ಆಘಾತನಂ, ಛೇತ್ವಾ ಪಾಪೇತಿ ನಿಬ್ಬುತಿಂ॥
Visamūlaṃ āghātanaṃ, chetvā pāpeti nibbutiṃ.
೪೧೯.
419.
‘‘ಅಞ್ಞಾಣಮೂಲಭೇದಾಯ , ಕಮ್ಮಯನ್ತವಿಘಾಟನೋ।
‘‘Aññāṇamūlabhedāya , kammayantavighāṭano;
ವಿಞ್ಞಾಣಾನಂ ಪರಿಗ್ಗಹೇ, ಞಾಣವಜಿರನಿಪಾತನೋ॥
Viññāṇānaṃ pariggahe, ñāṇavajiranipātano.
೪೨೦.
420.
‘‘ವೇದನಾನಂ ವಿಞ್ಞಾಪನೋ, ಉಪಾದಾನಪ್ಪಮೋಚನೋ।
‘‘Vedanānaṃ viññāpano, upādānappamocano;
೪೨೧.
421.
‘‘ಮಹಾರಸೋ ಸುಗಮ್ಭೀರೋ, ಜರಾಮಚ್ಚುನಿವಾರಣೋ।
‘‘Mahāraso sugambhīro, jarāmaccunivāraṇo;
ಅರಿಯೋ ಅಟ್ಠಙ್ಗಿಕೋ ಮಗ್ಗೋ, ದುಕ್ಖೂಪಸಮನೋ ಸಿವೋ॥
Ariyo aṭṭhaṅgiko maggo, dukkhūpasamano sivo.
೪೨೨.
422.
‘‘ಕಮ್ಮಂ ಕಮ್ಮನ್ತಿ ಞತ್ವಾನ, ವಿಪಾಕಞ್ಚ ವಿಪಾಕತೋ।
‘‘Kammaṃ kammanti ñatvāna, vipākañca vipākato;
ಪಟಿಚ್ಚುಪ್ಪನ್ನಧಮ್ಮಾನಂ, ಯಥಾವಾಲೋಕದಸ್ಸನೋ।
Paṭiccuppannadhammānaṃ, yathāvālokadassano;
ಮಹಾಖೇಮಙ್ಗಮೋ ಸನ್ತೋ, ಪರಿಯೋಸಾನಭದ್ದಕೋ’’ತಿ॥
Mahākhemaṅgamo santo, pariyosānabhaddako’’ti.
… ಮಿಗಜಾಲೋ ಥೇರೋ…।
… Migajālo thero….
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಥೇರಗಾಥಾ-ಅಟ್ಠಕಥಾ • Theragāthā-aṭṭhakathā / ೮. ಮಿಗಜಾಲತ್ಥೇರಗಾಥಾವಣ್ಣನಾ • 8. Migajālattheragāthāvaṇṇanā
