| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៣. មិច្ឆត្តវគ្គវណ្ណនា
3. Micchattavaggavaṇṇanā
២១-៣០. តតិយវគ្គស្ស បឋមេ មិច្ឆត្តន្តិ មិច្ឆាសភាវំ។ សម្មត្តន្តិ សម្មាសភាវំ។ មិច្ឆាបដិបត្តាធិករណហេតូតិ មិច្ឆាបដិបត្តិករណហេតុ។ យស្មា មិច្ឆាបដិបត្តិំ ករោតិ, តស្មាតិ អត្ថោ។ នារាធកោតិ ន សម្បាទកោ។ ញាយំ ធម្មន្តិ អរិយមគ្គធម្មំ។ មិច្ឆាញាណីតិ មិច្ឆាវិញ្ញាណោ មិច្ឆាបច្ចវេក្ខណោ។ មិច្ឆាវិមុត្តីតិ អយាថាវវិមុត្តិ, អនិយ្យានិកវិមុត្តិ។ ឥមេសុ តតិយាទីសុ ចតូសុ សុត្តេសុ វដ្ដវិវដ្ដំ កថិតំ, បច្ឆិមេសុ បនេត្ថ ទ្វីសុ បុគ្គលោ បុច្ឆិតោ ធម្មោ វិភត្តោ, ឯវំ ធម្មេន បុគ្គលោ ទស្សិតោតិ។ សុប្បវត្តិយោតិ សុប្បវត្តនិយោ។ យថា ឥច្ឆិតិច្ឆិតំ ទិសំ បវត្តេន្តោ ធាវតិ, ឯវំ បវត្តេតុំ សក្កា ហោតីតិ អត្ថោ។ សឧបនិសំ សបរិក្ខារន្តិ សប្បច្ចយំ សបរិវារំ។ សេសំ សព្ពត្ថ ឧត្តានត្ថមេវាតិ។
21-30. Tatiyavaggassa paṭhame micchattanti micchāsabhāvaṃ. Sammattanti sammāsabhāvaṃ. Micchāpaṭipattādhikaraṇahetūti micchāpaṭipattikaraṇahetu. Yasmā micchāpaṭipattiṃ karoti, tasmāti attho. Nārādhakoti na sampādako. Ñāyaṃ dhammanti ariyamaggadhammaṃ. Micchāñāṇīti micchāviññāṇo micchāpaccavekkhaṇo. Micchāvimuttīti ayāthāvavimutti, aniyyānikavimutti. Imesu tatiyādīsu catūsu suttesu vaṭṭavivaṭṭaṃ kathitaṃ, pacchimesu panettha dvīsu puggalo pucchito dhammo vibhatto, evaṃ dhammena puggalo dassitoti. Suppavattiyoti suppavattaniyo. Yathā icchiticchitaṃ disaṃ pavattento dhāvati, evaṃ pavattetuṃ sakkā hotīti attho. Saupanisaṃ saparikkhāranti sappaccayaṃ saparivāraṃ. Sesaṃ sabbattha uttānatthamevāti.
មិច្ឆត្តវគ្គោ តតិយោ។
Micchattavaggo tatiyo.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya
១. មិច្ឆត្តសុត្តំ • 1. Micchattasuttaṃ
២. អកុសលធម្មសុត្តំ • 2. Akusaladhammasuttaṃ
៣. បឋមបដិបទាសុត្តំ • 3. Paṭhamapaṭipadāsuttaṃ
៤. ទុតិយបដិបទាសុត្តំ • 4. Dutiyapaṭipadāsuttaṃ
៥. បឋមអសប្បុរិសសុត្តំ • 5. Paṭhamaasappurisasuttaṃ
៦. ទុតិយអសប្បុរិសសុត្តំ • 6. Dutiyaasappurisasuttaṃ
៧. កុម្ភសុត្តំ • 7. Kumbhasuttaṃ
៨. សមាធិសុត្តំ • 8. Samādhisuttaṃ
៩. វេទនាសុត្តំ • 9. Vedanāsuttaṃ
១០. ឧត្តិយសុត្តំ • 10. Uttiyasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៣. មិច្ឆត្តវគ្គវណ្ណនា • 3. Micchattavaggavaṇṇanā
