| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៤. បដិបត្តិវគ្គវណ្ណនា
4. Paṭipattivaggavaṇṇanā
៣១-៤០. ចតុត្ថេ មិច្ឆាបដិបត្តិន្តិ អយាថាវបដិបត្តិំ។ មិច្ឆាបដិបន្នន្តិ អយាថាវបដិបន្នំ។ ឥតិ ឯកំ សុត្តំ ធម្មវសេន កថិតំ, ឯកំ បុគ្គលវសេន។ អបារា បារន្តិ វដ្ដតោ និព្ពានំ។ បារគាមិនោតិ ឯត្ថ យេបិ បារង្គតា, យេបិ គច្ឆន្តិ, យេបិ គមិស្សន្តិ, សព្ពេ បារគាមិនោត្វេវ វេទិតព្ពា។
31-40. Catutthe micchāpaṭipattinti ayāthāvapaṭipattiṃ. Micchāpaṭipannanti ayāthāvapaṭipannaṃ. Iti ekaṃ suttaṃ dhammavasena kathitaṃ, ekaṃ puggalavasena. Apārā pāranti vaṭṭato nibbānaṃ. Pāragāminoti ettha yepi pāraṅgatā, yepi gacchanti, yepi gamissanti, sabbe pāragāminotveva veditabbā.
តីរមេវានុធាវតីតិ វដ្ដមេវ អនុធាវតិ, វដ្ដេ វិចរតិ។ កណ្ហន្តិ អកុសលធម្មំ។ សុក្កន្តិ កុសលធម្មំ។ ឱកា អនោកន្តិ វដ្ដតោ និព្ពានំ។ អាគម្មាតិ អារព្ភ សន្ធាយ បដិច្ច។ បរិយោទបេយ្យាតិ បរិសុទ្ធំ ករេយ្យ។ ចិត្តក្លេសេហីតិ ចិត្តំ កិលិស្សាបេន្តេហិ នីវរណេហិ។ សម្ពោធិយង្គេសូតិ សត្តសុ ពោជ្ឈង្គេសុ។
Tīramevānudhāvatīti vaṭṭameva anudhāvati, vaṭṭe vicarati. Kaṇhanti akusaladhammaṃ. Sukkanti kusaladhammaṃ. Okā anokanti vaṭṭato nibbānaṃ. Āgammāti ārabbha sandhāya paṭicca. Pariyodapeyyāti parisuddhaṃ kareyya. Cittaklesehīti cittaṃ kilissāpentehi nīvaraṇehi. Sambodhiyaṅgesūti sattasu bojjhaṅgesu.
សាមញ្ញត្ថន្តិ និព្ពានំ។ តញ្ហិ សាមញ្ញេន ឧបគន្តព្ពតោ សាមញ្ញត្ថោតិ វុច្ចតិ។ ព្រហ្មញ្ញន្តិ សេដ្ឋភាវំ។ ព្រហ្មញ្ញត្ថន្តិ និព្ពានំ ព្រហ្មញ្ញេន ឧបគន្តព្ពតោ។ យត្ថ យត្ថ បន ហេដ្ឋា ច ឥមេសុ ច តីសុ សុត្តេសុ ‘‘រាគក្ខយោ’’តិ អាគតំ, តត្ថ តត្ថ អរហត្តម្បិ វដ្ដតិយេវាតិ វទន្តិ។
Sāmaññatthanti nibbānaṃ. Tañhi sāmaññena upagantabbato sāmaññatthoti vuccati. Brahmaññanti seṭṭhabhāvaṃ. Brahmaññatthanti nibbānaṃ brahmaññena upagantabbato. Yattha yattha pana heṭṭhā ca imesu ca tīsu suttesu ‘‘rāgakkhayo’’ti āgataṃ, tattha tattha arahattampi vaṭṭatiyevāti vadanti.
បដិបត្តិវគ្គោ ចតុត្ថោ។
Paṭipattivaggo catuttho.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya
១. បឋមបដិបត្តិសុត្តំ • 1. Paṭhamapaṭipattisuttaṃ
២. ទុតិយបដិបត្តិសុត្តំ • 2. Dutiyapaṭipattisuttaṃ
៣. វិរទ្ធសុត្តំ • 3. Viraddhasuttaṃ
៤. បារង្គមសុត្តំ • 4. Pāraṅgamasuttaṃ
៥. បឋមសាមញ្ញសុត្តំ • 5. Paṭhamasāmaññasuttaṃ
៦. ទុតិយសាមញ្ញសុត្តំ • 6. Dutiyasāmaññasuttaṃ
៧. បឋមព្រហ្មញ្ញសុត្តំ • 7. Paṭhamabrahmaññasuttaṃ
៨. ទុតិយព្រហ្មញ្ញសុត្តំ • 8. Dutiyabrahmaññasuttaṃ
៩. បឋមព្រហ្មចរិយសុត្តំ • 9. Paṭhamabrahmacariyasuttaṃ
១០. ទុតិយព្រហ្មចរិយសុត្តំ • 10. Dutiyabrahmacariyasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៤. បដិបត្តិវគ្គវណ្ណនា • 4. Paṭipattivaggavaṇṇanā
