| Library / Tipiṭaka / តិបិដក • Tipiṭaka / សុត្តនិបាតបាឡិ • Suttanipātapāḷi |
៨. មេត្តសុត្តំ
8. Mettasuttaṃ
១៤៣.
143.
ករណីយមត្ថកុសលេន, យន្ត សន្តំ បទំ អភិសមេច្ច;
Karaṇīyamatthakusalena, yanta santaṃ padaṃ abhisamecca;
សក្កោ ឧជូ ច សុហុជូ 1 ច, សូវចោ ចស្ស មុទុ អនតិមានី។
Sakko ujū ca suhujū 2 ca, sūvaco cassa mudu anatimānī.
១៤៤.
144.
សន្តុស្សកោ ច សុភរោ ច, អប្បកិច្ចោ ច សល្លហុកវុត្តិ;
Santussako ca subharo ca, appakicco ca sallahukavutti;
សន្តិន្ទ្រិយោ ច និបកោ ច, អប្បគព្ភោ កុលេស្វននុគិទ្ធោ។
Santindriyo ca nipako ca, appagabbho kulesvananugiddho.
១៤៥.
145.
ន ច ខុទ្ទមាចរេ កិញ្ចិ, យេន វិញ្ញូ បរេ ឧបវទេយ្យុំ;
Na ca khuddamācare kiñci, yena viññū pare upavadeyyuṃ;
សុខិនោ វ ខេមិនោ ហោន្តុ, សព្ពសត្តា 3 ភវន្តុ សុខិតត្តា។
Sukhino va khemino hontu, sabbasattā 4 bhavantu sukhitattā.
១៤៦.
146.
យេ កេចិ បាណភូតត្ថិ, តសា វា ថាវរា វនវសេសា;
Ye keci pāṇabhūtatthi, tasā vā thāvarā vanavasesā;
ទីឃា វា យេ វ មហន្តា 5, មជ្ឈិមា រស្សកា អណុកថូលា។
Dīghā vā ye va mahantā 6, majjhimā rassakā aṇukathūlā.
១៤៧.
147.
ភូតា វ សម្ភវេសី វ 11, សព្ពសត្តា ភវន្តុ សុខិតត្តា។
Bhūtā va sambhavesī va 12, sabbasattā bhavantu sukhitattā.
១៤៨.
148.
ន បរោ បរំ និកុព្ពេថ, នាតិមញ្ញេថ កត្ថចិ ន កញ្ចិ 13;
Na paro paraṃ nikubbetha, nātimaññetha katthaci na kañci 14;
ព្យារោសនា បដិឃសញ្ញា, នាញ្ញមញ្ញស្ស ទុក្ខមិច្ឆេយ្យ។
Byārosanā paṭighasaññā, nāññamaññassa dukkhamiccheyya.
១៤៩.
149.
មាតា យថា និយំ បុត្តមាយុសា ឯកបុត្តមនុរក្ខេ;
Mātā yathā niyaṃ puttamāyusā ekaputtamanurakkhe;
ឯវម្បិ សព្ពភូតេសុ, មានសំ ភាវយេ អបរិមាណំ។
Evampi sabbabhūtesu, mānasaṃ bhāvaye aparimāṇaṃ.
១៥០.
150.
មេត្តញ្ច សព្ពលោកស្មិ, មានសំ ភាវយេ អបរិមាណំ;
Mettañca sabbalokasmi, mānasaṃ bhāvaye aparimāṇaṃ;
ឧទ្ធំ អធោ ច តិរិយញ្ច, អសម្ពាធំ អវេរមសបត្តំ។
Uddhaṃ adho ca tiriyañca, asambādhaṃ averamasapattaṃ.
១៥១.
151.
ឯតំ សតិំ អធិដ្ឋេយ្យ, ព្រហ្មមេតំ វិហារមិធមាហុ។
Etaṃ satiṃ adhiṭṭheyya, brahmametaṃ vihāramidhamāhu.
១៥២.
152.
ទិដ្ឋិញ្ច អនុបគ្គម្ម, សីលវា ទស្សនេន សម្បន្នោ;
Diṭṭhiñca anupaggamma, sīlavā dassanena sampanno;
កាមេសុ វិនយ 19 គេធំ, ន ហិ ជាតុគ្គព្ភសេយ្យ បុនរេតីតិ។
Kāmesu vinaya 20 gedhaṃ, na hi jātuggabbhaseyya punaretīti.
មេត្តសុត្តំ អដ្ឋមំ និដ្ឋិតំ។
Mettasuttaṃ aṭṭhamaṃ niṭṭhitaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / សុត្តនិបាត-អដ្ឋកថា • Suttanipāta-aṭṭhakathā / ៨. មេត្តសុត្តវណ្ណនា • 8. Mettasuttavaṇṇanā
