| Library / Tipiṭaka / তিপিটক • Tipiṭaka / সুত্তনিপাতপাল়ি • Suttanipātapāḷi |
৮. মেত্তসুত্তং
8. Mettasuttaṃ
১৪৩.
143.
করণীযমত্থকুসলেন, যন্ত সন্তং পদং অভিসমেচ্চ।
Karaṇīyamatthakusalena, yanta santaṃ padaṃ abhisamecca;
সক্কো উজূ চ সুহুজূ 1 চ, সূৰচো চস্স মুদু অনতিমানী॥
Sakko ujū ca suhujū 2 ca, sūvaco cassa mudu anatimānī.
১৪৪.
144.
সন্তুস্সকো চ সুভরো চ, অপ্পকিচ্চো চ সল্লহুকৰুত্তি।
Santussako ca subharo ca, appakicco ca sallahukavutti;
সন্তিন্দ্রিযো চ নিপকো চ, অপ্পগব্ভো কুলেস্ৰননুগিদ্ধো॥
Santindriyo ca nipako ca, appagabbho kulesvananugiddho.
১৪৫.
145.
ন চ খুদ্দমাচরে কিঞ্চি, যেন ৰিঞ্ঞূ পরে উপৰদেয্যুং।
Na ca khuddamācare kiñci, yena viññū pare upavadeyyuṃ;
সুখিনো ৰ খেমিনো হোন্তু, সব্বসত্তা 3 ভৰন্তু সুখিতত্তা॥
Sukhino va khemino hontu, sabbasattā 4 bhavantu sukhitattā.
১৪৬.
146.
যে কেচি পাণভূতত্থি, তসা ৰা থাৰরা ৰনৰসেসা।
Ye keci pāṇabhūtatthi, tasā vā thāvarā vanavasesā;
দীঘা ৰা যে ৰ মহন্তা 5, মজ্ঝিমা রস্সকা অণুকথূলা॥
Dīghā vā ye va mahantā 6, majjhimā rassakā aṇukathūlā.
১৪৭.
147.
ভূতা ৰ সম্ভৰেসী ৰ 11, সব্বসত্তা ভৰন্তু সুখিতত্তা॥
Bhūtā va sambhavesī va 12, sabbasattā bhavantu sukhitattā.
১৪৮.
148.
ন পরো পরং নিকুব্বেথ, নাতিমঞ্ঞেথ কত্থচি ন কঞ্চি 13।
Na paro paraṃ nikubbetha, nātimaññetha katthaci na kañci 14;
ব্যারোসনা পটিঘসঞ্ঞা, নাঞ্ঞমঞ্ঞস্স দুক্খমিচ্ছেয্য॥
Byārosanā paṭighasaññā, nāññamaññassa dukkhamiccheyya.
১৪৯.
149.
মাতা যথা নিযং পুত্তমাযুসা একপুত্তমনুরক্খে।
Mātā yathā niyaṃ puttamāyusā ekaputtamanurakkhe;
এৰম্পি সব্বভূতেসু, মানসং ভাৰযে অপরিমাণং॥
Evampi sabbabhūtesu, mānasaṃ bhāvaye aparimāṇaṃ.
১৫০.
150.
মেত্তঞ্চ সব্বলোকস্মি, মানসং ভাৰযে অপরিমাণং।
Mettañca sabbalokasmi, mānasaṃ bhāvaye aparimāṇaṃ;
উদ্ধং অধো চ তিরিযঞ্চ, অসম্বাধং অৰেরমসপত্তং॥
Uddhaṃ adho ca tiriyañca, asambādhaṃ averamasapattaṃ.
১৫১.
151.
এতং সতিং অধিট্ঠেয্য, ব্রহ্মমেতং ৰিহারমিধমাহু॥
Etaṃ satiṃ adhiṭṭheyya, brahmametaṃ vihāramidhamāhu.
১৫২.
152.
দিট্ঠিঞ্চ অনুপগ্গম্ম, সীলৰা দস্সনেন সম্পন্নো।
Diṭṭhiñca anupaggamma, sīlavā dassanena sampanno;
কামেসু ৰিনয 19 গেধং, ন হি জাতুগ্গব্ভসেয্য পুনরেতীতি॥
Kāmesu vinaya 20 gedhaṃ, na hi jātuggabbhaseyya punaretīti.
মেত্তসুত্তং অট্ঠমং নিট্ঠিতং।
Mettasuttaṃ aṭṭhamaṃ niṭṭhitaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / সুত্তনিপাত-অট্ঠকথা • Suttanipāta-aṭṭhakathā / ৮. মেত্তসুত্তৰণ্ণনা • 8. Mettasuttavaṇṇanā
