| Library / Tipiṭaka / திபிடக • Tipiṭaka / சூளனித்³தே³ஸபாளி • Cūḷaniddesapāḷi |
4. மெத்தகூ³மாணவபுச்சா²
4. Mettagūmāṇavapucchā
74.
74.
‘‘புச்சா²மி தங் ப⁴க³வா ப்³ரூஹி மேதங், [இச்சாயஸ்மா மெத்தகூ³]
‘‘Pucchāmi taṃ bhagavā brūhi metaṃ, [iccāyasmā mettagū]
மஞ்ஞாமி தங் வேத³கு³ங் பா⁴விதத்தங்;
Maññāmi taṃ vedaguṃ bhāvitattaṃ;
குதோ நு து³க்கா² ஸமுதா³க³தா இமே, யே கேசி லோகஸ்மிமனேகரூபா’’.
Kuto nu dukkhā samudāgatā ime, ye keci lokasmimanekarūpā’’.
75.
75.
‘‘து³க்க²ஸ்ஸ வே மங் பப⁴வங் அபுச்ச²ஸி, [மெத்தகூ³தி ப⁴க³வா]
‘‘Dukkhassa ve maṃ pabhavaṃ apucchasi, [mettagūti bhagavā]
தங் தே பவக்கா²மி யதா² பஜானங்;
Taṃ te pavakkhāmi yathā pajānaṃ;
உபதி⁴னிதா³னா பப⁴வந்தி து³க்கா², யே கேசி லோகஸ்மிமனேகரூபா.
Upadhinidānā pabhavanti dukkhā, ye keci lokasmimanekarūpā.
76.
76.
‘‘யோ வே அவித்³வா உபதி⁴ங் கரோதி, புனப்புனங் து³க்க²முபேதி மந்தோ³;
‘‘Yo ve avidvā upadhiṃ karoti, punappunaṃ dukkhamupeti mando;
தஸ்மா பஜானங் உபதி⁴ங் ந கயிரா, து³க்க²ஸ்ஸ ஜாதிப்பப⁴வானுபஸ்ஸீ’’.
Tasmā pajānaṃ upadhiṃ na kayirā, dukkhassa jātippabhavānupassī’’.
77.
77.
‘‘யங் தங் அபுச்சி²ம்ஹ அகித்தயீ நோ, அஞ்ஞங் தங் புச்சா²ம ததி³ங்க⁴ ப்³ரூஹி;
‘‘Yaṃ taṃ apucchimha akittayī no, aññaṃ taṃ pucchāma tadiṅgha brūhi;
‘கத²ங் நு தீ⁴ரா விதரந்தி ஓக⁴ங், ஜாதிங் ஜரங் ஸோகபரித்³த³வஞ்ச’;
‘Kathaṃ nu dhīrā vitaranti oghaṃ, jātiṃ jaraṃ sokapariddavañca’;
தங் மே முனி ஸாது⁴ வியாகரோஹி, ததா² ஹி தே விதி³தோ ஏஸ த⁴ம்மோ’’.
Taṃ me muni sādhu viyākarohi, tathā hi te vidito esa dhammo’’.
78.
78.
‘‘கித்தயிஸ்ஸாமி தே த⁴ம்மங், [மெத்தகூ³தி ப⁴க³வா]
‘‘Kittayissāmi te dhammaṃ, [mettagūti bhagavā]
தி³ட்டே² த⁴ம்மே அனீதிஹங்;
Diṭṭhe dhamme anītihaṃ;
யங் விதி³த்வா ஸதோ சரங், தரே லோகே விஸத்திகங்’’.
Yaṃ viditvā sato caraṃ, tare loke visattikaṃ’’.
79.
79.
‘‘தஞ்சாஹங் அபி⁴னந்தா³மி, மஹேஸி த⁴ம்மமுத்தமங்;
‘‘Tañcāhaṃ abhinandāmi, mahesi dhammamuttamaṃ;
யங் விதி³த்வா ஸதோ சரங், தரே லோகே விஸத்திகங்’’.
Yaṃ viditvā sato caraṃ, tare loke visattikaṃ’’.
80.
80.
‘‘யங் கிஞ்சி ஸம்பஜானாஸி, [மெத்தகூ³தி ப⁴க³வா]
‘‘Yaṃ kiñci sampajānāsi, [mettagūti bhagavā]
உத்³த⁴ங் அதோ⁴ திரியஞ்சாபி மஜ்ஜே²;
Uddhaṃ adho tiriyañcāpi majjhe;
ஏதேஸு நந்தி³ஞ்ச நிவேஸனஞ்ச, பனுஜ்ஜ விஞ்ஞாணங் ப⁴வே ந திட்டே².
Etesu nandiñca nivesanañca, panujja viññāṇaṃ bhave na tiṭṭhe.
81.
81.
‘‘ஏவங்விஹாரீ ஸதோ அப்பமத்தோ, பி⁴க்கு² சரங் ஹித்வா மமாயிதானி;
‘‘Evaṃvihārī sato appamatto, bhikkhu caraṃ hitvā mamāyitāni;
ஜாதிங் ஜரங் ஸோகபரித்³த³வஞ்ச, இதே⁴வ வித்³வா பஜஹெய்ய து³க்க²ங்’’.
Jātiṃ jaraṃ sokapariddavañca, idheva vidvā pajaheyya dukkhaṃ’’.
82.
82.
‘‘ஏதாபி⁴னந்தா³மி வசோ மஹேஸினோ, ஸுகித்திதங் கோ³தமனூபதீ⁴கங்;
‘‘Etābhinandāmi vaco mahesino, sukittitaṃ gotamanūpadhīkaṃ;
அத்³தா⁴ ஹி ப⁴க³வா பஹாஸி து³க்க²ங், ததா² ஹி தே விதி³தோ ஏஸ த⁴ம்மோ.
Addhā hi bhagavā pahāsi dukkhaṃ, tathā hi te vidito esa dhammo.
83.
83.
‘‘தே சாபி நூனப்பஜஹெய்யு து³க்க²ங், யே த்வங் முனி அட்டி²தங் ஓவதெ³ய்ய;
‘‘Te cāpi nūnappajaheyyu dukkhaṃ, ye tvaṃ muni aṭṭhitaṃ ovadeyya;
தங் தங் நமஸ்ஸாமி ஸமேச்ச நாக³, அப்பேவ மங் ப⁴க³வா அட்டி²தங் ஓவதெ³ய்ய’’.
Taṃ taṃ namassāmi samecca nāga, appeva maṃ bhagavā aṭṭhitaṃ ovadeyya’’.
84.
84.
‘‘யங் ப்³ராஹ்மணங் வேத³கு³மாபி⁴ஜஞ்ஞா, அகிஞ்சனங் காமப⁴வே அஸத்தங்;
‘‘Yaṃ brāhmaṇaṃ vedagumābhijaññā, akiñcanaṃ kāmabhave asattaṃ;
அத்³தா⁴ ஹி ஸோ ஓக⁴மிமங் அதாரி, திண்ணோ ச பாரங் அகி²லோ அகங்கோ².
Addhā hi so oghamimaṃ atāri, tiṇṇo ca pāraṃ akhilo akaṅkho.
85.
85.
‘‘வித்³வா ச யோ வேத³கூ³ நரோ இத⁴, ப⁴வாப⁴வே ஸங்க³மிமங் விஸஜ்ஜ;
‘‘Vidvā ca yo vedagū naro idha, bhavābhave saṅgamimaṃ visajja;
ஸோ வீததண்ஹோ அனீகோ⁴ நிராஸோ, அதாரி ஸோ ஜாதிஜரந்தி ப்³ரூமீ’’தி.
So vītataṇho anīgho nirāso, atāri so jātijaranti brūmī’’ti.
மெத்தகூ³மாணவபுச்சா² சதுத்தீ².
Mettagūmāṇavapucchā catutthī.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / சூளனித்³தே³ஸ-அட்ட²கதா² • Cūḷaniddesa-aṭṭhakathā / 4. மெத்தகூ³மாணவஸுத்தனித்³தே³ஸவண்ணனா • 4. Mettagūmāṇavasuttaniddesavaṇṇanā
