| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
৪৭১. মেণ্ডকপঞ্হজাতকং (৮)
471. Meṇḍakapañhajātakaṃ (8)
৯৪.
94.
যেসং ন কদাচি ভূতপুব্বং, সখ্যং 1 সত্তপদম্পিমস্মি লোকে।
Yesaṃ na kadāci bhūtapubbaṃ, sakhyaṃ 2 sattapadampimasmi loke;
জাতা অমিত্তা দুৰে সহাযা, পটিসন্ধায চরন্তি কিস্স হেতু॥
Jātā amittā duve sahāyā, paṭisandhāya caranti kissa hetu.
৯৫.
95.
যদি মে অজ্জ পাতরাসকালে, পঞ্হং ন সক্কুণেয্যাথ ৰত্তুমেতং।
Yadi me ajja pātarāsakāle, pañhaṃ na sakkuṇeyyātha vattumetaṃ;
রট্ঠা পব্বাজযিস্সামি ৰো সব্বে, ন হি মত্থো দুপ্পঞ্ঞজাতিকেহি॥
Raṭṭhā pabbājayissāmi vo sabbe, na hi mattho duppaññajātikehi.
৯৬.
96.
মহাজনসমাগমম্হি ঘোরে, জনকোলাহলসঙ্গমম্হি জাতে।
Mahājanasamāgamamhi ghore, janakolāhalasaṅgamamhi jāte;
ৰিক্খিত্তমনা অনেকচিত্তা, পঞ্হং ন সক্কুণোম ৰত্তুমেতং॥
Vikkhittamanā anekacittā, pañhaṃ na sakkuṇoma vattumetaṃ.
৯৭.
97.
একগ্গচিত্তাৰ একমেকা, রহসি গতা অত্থং নিচিন্তযিত্ৰা 3।
Ekaggacittāva ekamekā, rahasi gatā atthaṃ nicintayitvā 4;
পৰিৰেকে সম্মসিত্ৰান ধীরা, অথ ৰক্খন্তি জনিন্দ এতমত্থং॥
Paviveke sammasitvāna dhīrā, atha vakkhanti janinda etamatthaṃ.
৯৮.
98.
উগ্গপুত্ত-রাজপুত্তিযানং, উরব্ভস্স মংসং পিযং মনাপং।
Uggaputta-rājaputtiyānaṃ, urabbhassa maṃsaṃ piyaṃ manāpaṃ;
ন সুনখস্স তে অদেন্তি মংসং, অথ মেণ্ডস্স সুণেন সখ্যমস্স॥
Na sunakhassa te adenti maṃsaṃ, atha meṇḍassa suṇena sakhyamassa.
৯৯.
99.
চম্মং ৰিহনন্তি এল়কস্স, অস্সপিট্ঠত্থরস্সুখস্স 5 হেতু।
Cammaṃ vihananti eḷakassa, assapiṭṭhattharassukhassa 6 hetu;
ন চ তে সুনখস্স অত্থরন্তি, অথ মেণ্ডস্স সুণেন সখ্যমস্স॥
Na ca te sunakhassa attharanti, atha meṇḍassa suṇena sakhyamassa.
১০০.
100.
আৰেল্লিতসিঙ্গিকো হি মেণ্ডো, ন চ সুনখস্স ৰিসাণকানি অত্থি।
Āvellitasiṅgiko hi meṇḍo, na ca sunakhassa visāṇakāni atthi;
তিণভক্খো মংসভোজনো চ, অথ মেণ্ডস্স সুণেন সখ্যমস্স॥
Tiṇabhakkho maṃsabhojano ca, atha meṇḍassa suṇena sakhyamassa.
১০১.
101.
তিণমাসি পলাসমাসি মেণ্ডো, ন চ সুনখো তিণমাসি নো পলাসং।
Tiṇamāsi palāsamāsi meṇḍo, na ca sunakho tiṇamāsi no palāsaṃ;
গণ্হেয্য সুণো সসং বিল়ারং, অথ মেণ্ডস্স সুণেন সখ্যমস্স॥
Gaṇheyya suṇo sasaṃ biḷāraṃ, atha meṇḍassa suṇena sakhyamassa.
১০২.
102.
অট্ঠড্ঢপদো চতুপ্পদস্স, মেণ্ডো অট্ঠনখো অদিস্সমানো।
Aṭṭhaḍḍhapado catuppadassa, meṇḍo aṭṭhanakho adissamāno;
ছাদিযমাহরতী অযং ইমস্স, মংসং আহরতী অযং অমুস্স॥
Chādiyamāharatī ayaṃ imassa, maṃsaṃ āharatī ayaṃ amussa.
১০৩.
103.
পাসাদৰরগতো ৰিদেহসেট্ঠো, ৰিতিহারং অঞ্ঞমঞ্ঞভোজনানং।
Pāsādavaragato videhaseṭṭho, vitihāraṃ aññamaññabhojanānaṃ;
১০৪.
104.
লাভা ৰত মে অনপ্পরূপা, যস্স মেদিসা পণ্ডিতা কুলম্হি।
Lābhā vata me anapparūpā, yassa medisā paṇḍitā kulamhi;
পঞ্হস্স গম্ভীরগতং নিপুণমত্থং, পটিৰিজ্ঝন্তি সুভাসিতেন ধীরা॥
Pañhassa gambhīragataṃ nipuṇamatthaṃ, paṭivijjhanti subhāsitena dhīrā.
১০৫.
105.
অস্সতরিরথঞ্চ একমেকং, ফীতং গামৰরঞ্চ একমেকং।
Assatarirathañca ekamekaṃ, phītaṃ gāmavarañca ekamekaṃ;
সব্বেসং ৰো দম্মি পণ্ডিতানং, পরমপ্পতীতমনো সুভাসিতেনাতি॥
Sabbesaṃ vo dammi paṇḍitānaṃ, paramappatītamano subhāsitenāti.
মেণ্ডকপঞ্হজাতকং অট্ঠমং।
Meṇḍakapañhajātakaṃ aṭṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [৪৭১] ৮. মেণ্ডকপঞ্হজাতকৰণ্ণনা • [471] 8. Meṇḍakapañhajātakavaṇṇanā
