| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
471. மெண்ட³கபஞ்ஹஜாதகங் (8)
471. Meṇḍakapañhajātakaṃ (8)
94.
94.
யேஸங் ந கதா³சி பூ⁴தபுப்³ப³ங், ஸக்²யங் 1 ஸத்தபத³ம்பிமஸ்மி லோகே;
Yesaṃ na kadāci bhūtapubbaṃ, sakhyaṃ 2 sattapadampimasmi loke;
ஜாதா அமித்தா து³வே ஸஹாயா, படிஸந்தா⁴ய சரந்தி கிஸ்ஸ ஹேது.
Jātā amittā duve sahāyā, paṭisandhāya caranti kissa hetu.
95.
95.
யதி³ மே அஜ்ஜ பாதராஸகாலே, பஞ்ஹங் ந ஸக்குணெய்யாத² வத்துமேதங்;
Yadi me ajja pātarāsakāle, pañhaṃ na sakkuṇeyyātha vattumetaṃ;
ரட்டா² பப்³பா³ஜயிஸ்ஸாமி வோ ஸப்³பே³, ந ஹி மத்தோ² து³ப்பஞ்ஞஜாதிகேஹி.
Raṭṭhā pabbājayissāmi vo sabbe, na hi mattho duppaññajātikehi.
96.
96.
மஹாஜனஸமாக³மம்ஹி கோ⁴ரே, ஜனகோலாஹலஸங்க³மம்ஹி ஜாதே;
Mahājanasamāgamamhi ghore, janakolāhalasaṅgamamhi jāte;
விக்கி²த்தமனா அனேகசித்தா, பஞ்ஹங் ந ஸக்குணோம வத்துமேதங்.
Vikkhittamanā anekacittā, pañhaṃ na sakkuṇoma vattumetaṃ.
97.
97.
ஏகக்³க³சித்தாவ ஏகமேகா, ரஹஸி க³தா அத்த²ங் நிசிந்தயித்வா 3;
Ekaggacittāva ekamekā, rahasi gatā atthaṃ nicintayitvā 4;
பவிவேகே ஸம்மஸித்வான தீ⁴ரா, அத² வக்க²ந்தி ஜனிந்த³ ஏதமத்த²ங்.
Paviveke sammasitvāna dhīrā, atha vakkhanti janinda etamatthaṃ.
98.
98.
உக்³க³புத்த-ராஜபுத்தியானங், உரப்³ப⁴ஸ்ஸ மங்ஸங் பியங் மனாபங்;
Uggaputta-rājaputtiyānaṃ, urabbhassa maṃsaṃ piyaṃ manāpaṃ;
ந ஸுனக²ஸ்ஸ தே அதெ³ந்தி மங்ஸங், அத² மெண்ட³ஸ்ஸ ஸுணேன ஸக்²யமஸ்ஸ.
Na sunakhassa te adenti maṃsaṃ, atha meṇḍassa suṇena sakhyamassa.
99.
99.
சம்மங் விஹனந்தி ஏளகஸ்ஸ, அஸ்ஸபிட்ட²த்த²ரஸ்ஸுக²ஸ்ஸ 5 ஹேது;
Cammaṃ vihananti eḷakassa, assapiṭṭhattharassukhassa 6 hetu;
ந ச தே ஸுனக²ஸ்ஸ அத்த²ரந்தி, அத² மெண்ட³ஸ்ஸ ஸுணேன ஸக்²யமஸ்ஸ.
Na ca te sunakhassa attharanti, atha meṇḍassa suṇena sakhyamassa.
100.
100.
ஆவேல்லிதஸிங்கி³கோ ஹி மெண்டோ³, ந ச ஸுனக²ஸ்ஸ விஸாணகானி அத்தி²;
Āvellitasiṅgiko hi meṇḍo, na ca sunakhassa visāṇakāni atthi;
திணப⁴க்கோ² மங்ஸபோ⁴ஜனோ ச, அத² மெண்ட³ஸ்ஸ ஸுணேன ஸக்²யமஸ்ஸ.
Tiṇabhakkho maṃsabhojano ca, atha meṇḍassa suṇena sakhyamassa.
101.
101.
திணமாஸி பலாஸமாஸி மெண்டோ³, ந ச ஸுனகோ² திணமாஸி நோ பலாஸங்;
Tiṇamāsi palāsamāsi meṇḍo, na ca sunakho tiṇamāsi no palāsaṃ;
க³ண்ஹெய்ய ஸுணோ ஸஸங் பி³ளாரங், அத² மெண்ட³ஸ்ஸ ஸுணேன ஸக்²யமஸ்ஸ.
Gaṇheyya suṇo sasaṃ biḷāraṃ, atha meṇḍassa suṇena sakhyamassa.
102.
102.
அட்ட²ட்³ட⁴பதோ³ சதுப்பத³ஸ்ஸ, மெண்டோ³ அட்ட²னகோ² அதி³ஸ்ஸமானோ;
Aṭṭhaḍḍhapado catuppadassa, meṇḍo aṭṭhanakho adissamāno;
சா²தி³யமாஹரதீ அயங் இமஸ்ஸ, மங்ஸங் ஆஹரதீ அயங் அமுஸ்ஸ.
Chādiyamāharatī ayaṃ imassa, maṃsaṃ āharatī ayaṃ amussa.
103.
103.
பாஸாத³வரக³தோ விதே³ஹஸெட்டோ², விதிஹாரங் அஞ்ஞமஞ்ஞபோ⁴ஜனானங்;
Pāsādavaragato videhaseṭṭho, vitihāraṃ aññamaññabhojanānaṃ;
104.
104.
லாபா⁴ வத மே அனப்பரூபா, யஸ்ஸ மேதி³ஸா பண்டி³தா குலம்ஹி;
Lābhā vata me anapparūpā, yassa medisā paṇḍitā kulamhi;
பஞ்ஹஸ்ஸ க³ம்பீ⁴ரக³தங் நிபுணமத்த²ங், படிவிஜ்ஜ²ந்தி ஸுபா⁴ஸிதேன தீ⁴ரா.
Pañhassa gambhīragataṃ nipuṇamatthaṃ, paṭivijjhanti subhāsitena dhīrā.
105.
105.
அஸ்ஸதரிரத²ஞ்ச ஏகமேகங், பீ²தங் கா³மவரஞ்ச ஏகமேகங்;
Assatarirathañca ekamekaṃ, phītaṃ gāmavarañca ekamekaṃ;
ஸப்³பே³ஸங் வோ த³ம்மி பண்டி³தானங், பரமப்பதீதமனோ ஸுபா⁴ஸிதேனாதி.
Sabbesaṃ vo dammi paṇḍitānaṃ, paramappatītamano subhāsitenāti.
மெண்ட³கபஞ்ஹஜாதகங் அட்ட²மங்.
Meṇḍakapañhajātakaṃ aṭṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [471] 8. மெண்ட³கபஞ்ஹஜாதகவண்ணனா • [471] 8. Meṇḍakapañhajātakavaṇṇanā
