472. மஹாபது³மஜாதகங் (9)

106.

நாத³ட்டா² ¹ பரதோ தோ³ஸங், அணுங் தூ²லானி ஸப்³ப³ஸோ;

இஸ்ஸரோ பணயே த³ண்ட³ங், ஸாமங் அப்படிவெக்கி²ய.

107.

யோ ச அப்படிவெக்கி²த்வா, த³ண்ட³ங் குப்³ப³தி க²த்தியோ;

ஸகண்டகங் ஸோ கி³லதி, ஜச்சந்தோ⁴வ ஸமக்கி²கங்.

108.

அத³ண்டி³யங் த³ண்ட³யதி ³, த³ண்டி³யஞ்ச அத³ண்டி³யங் ⁴;

அந்தோ⁴வ விஸமங் மக்³க³ங், ந ஜானாதி ஸமாஸமங்.

109.

யோ ச ஏதானி டா²னானி, அணுங் தூ²லானி ஸப்³ப³ஸோ;

ஸுதி³ட்ட²மனுஸாஸெய்ய, ஸ வே வோஹரிது ⁷ மரஹதி.

110.

நேகந்தமுது³னா ஸக்கா, ஏகந்ததிகி²ணேன வா;

அத்தங் மஹந்தே ⁹ ட²பேதுங் ¹⁰, தஸ்மா உப⁴யமாசரே.

111.

பரிபூ⁴தோ முது³ ஹோதி, அதிதிக்கோ² ச வேரவா;

ஏதஞ்ச உப⁴யங் ஞத்வா, அனுமஜ்ஜ²ங் ஸமாசரே.

112.

ப³ஹும்பி ரத்தோ பா⁴ஸெய்ய, து³ட்டோ²பி ப³ஹு பா⁴ஸதி;

ந இத்தி²காரணா ராஜ, புத்தங் கா⁴தேதுமரஹஸி.

113.

ஸப்³போ³வ ¹³ லோகோ ஏகதோ ¹⁴, இத்தீ² ச அயமேகிகா;

தேனாஹங் படிபஜ்ஜிஸ்ஸங், க³ச்ச²த² பக்கி²பதே²வ ¹⁷ தங்.

114.

அனேகதாலே நரகே, க³ம்பீ⁴ரே ச ஸுது³த்தரே ¹⁹;

பாதிதோ கி³ரிது³க்³க³ஸ்மிங், கேன த்வங் தத்த² நாமரி.

115.

நாகோ³ ஜாதப²ணோ தத்த², தா²மவா கி³ரிஸானுஜோ;

பச்சக்³க³ஹி மங் போ⁴கே³ஹி, தேனாஹங் தத்த² நாமரிங்.

116.

ஏஹி தங் படினெஸ்ஸாமி, ராஜபுத்த ஸகங் க⁴ரங்;

ரஜ்ஜங் காரேஹி ²¹ ப⁴த்³த³ந்தே, கிங் அரஞ்ஞே கரிஸ்ஸஸி.

117.

யதா² கி³லித்வா ப³ளிஸங், உத்³த⁴ரெய்ய ஸலோஹிதங்;

உத்³த⁴ரித்வா ஸுகீ² அஸ்ஸ, ஏவங் ²³ பஸ்ஸாமி அத்தனங் ²⁴.

118.

கிங் நு த்வங் ப³ளிஸங் ப்³ரூஸி, கிங் த்வங் ப்³ரூஸி ஸலோஹிதங்;

கிங் நு த்வங் உப்³ப⁴தங் ப்³ரூஸி, தங் மே அக்கா²ஹி புச்சி²தோ.

119.

காமாஹங் ப³ளிஸங் ப்³ரூமி, ஹத்தி²அஸ்ஸங் ஸலோஹிதங்;

சத்தாஹங் உப்³ப⁴தங் ப்³ரூமி, ஏவங் ஜானாஹி க²த்திய.

120.

சிஞ்சாமாணவிகா மாதா, தே³வத³த்தோ ச மே பிதா;

ஆனந்தோ³ பண்டி³தோ நாகோ³, ஸாரிபுத்தோ ச தே³வதா;

ராஜபுத்தோ அஹங் ஆஸிங் ²⁷, ஏவங் தா⁴ரேத² ஜாதகந்தி.

மஹாபது³மஜாதகங் நவமங்.