| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
৩৯৯. মাতুপোসকগিজ্ঝজাতকং (৭-১-৪)
399. Mātuposakagijjhajātakaṃ (7-1-4)
২২.
22.
তে কথং নু করিস্সন্তি, ৰুদ্ধা গিরিদরীসযা।
Te kathaṃ nu karissanti, vuddhā giridarīsayā;
অহং বদ্ধোস্মি পাসেন, নিলীযস্স ৰসং গতো॥
Ahaṃ baddhosmi pāsena, nilīyassa vasaṃ gato.
২৩.
23.
কিং গিজ্ঝ পরিদেৰসি, কা নু তে পরিদেৰনা।
Kiṃ gijjha paridevasi, kā nu te paridevanā;
ন মে সুতো ৰা দিট্ঠো ৰা, ভাসন্তো মানুসিং দিজো॥
Na me suto vā diṭṭho vā, bhāsanto mānusiṃ dijo.
২৪.
24.
ভরামি মাতাপিতরো, ৰুদ্ধে গিরিদরীসযে।
Bharāmi mātāpitaro, vuddhe giridarīsaye;
তে কথং নু করিস্সন্তি, অহং ৰসং গতো তৰ॥
Te kathaṃ nu karissanti, ahaṃ vasaṃ gato tava.
২৫.
25.
যং নু গিজ্ঝো যোজনসতং, কুণপানি অৰেক্খতি।
Yaṃ nu gijjho yojanasataṃ, kuṇapāni avekkhati;
কস্মা জালঞ্চ পাসঞ্চ, আসজ্জাপি ন বুজ্ঝসি॥
Kasmā jālañca pāsañca, āsajjāpi na bujjhasi.
২৬.
26.
যদা পরাভৰো হোতি, পোসো জীৰিতসঙ্খযে।
Yadā parābhavo hoti, poso jīvitasaṅkhaye;
অথ জালঞ্চ পাসঞ্চ, আসজ্জাপি ন বুজ্ঝতি॥
Atha jālañca pāsañca, āsajjāpi na bujjhati.
২৭.
27.
ভরস্সু মাতাপিতরো, ৰুদ্ধে গিরিদরীসযে।
Bharassu mātāpitaro, vuddhe giridarīsaye;
মযা ত্ৰং সমনুঞ্ঞাতো, সোত্থিং পস্সাহি ঞাতকে॥
Mayā tvaṃ samanuññāto, sotthiṃ passāhi ñātake.
২৮.
28.
এৰং লুদ্দক নন্দস্সু, সহ সব্বেহি ঞাতিভি।
Evaṃ luddaka nandassu, saha sabbehi ñātibhi;
ভরিস্সং মাতাপিতরো, ৰুদ্ধে গিরিদরীসযেতি॥
Bharissaṃ mātāpitaro, vuddhe giridarīsayeti.
মাতুপোসকগিজ্ঝজাতকং চতুত্থং।
Mātuposakagijjhajātakaṃ catutthaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [৩৯৯] ৪. মাতুপোসকগিজ্ঝজাতকৰণ্ণনা • [399] 4. Mātuposakagijjhajātakavaṇṇanā
