| Library / Tipiṭaka / ತಿಪಿಟಕ • Tipiṭaka / ಚರಿಯಾಪಿಟಕಪಾಳಿ • Cariyāpiṭakapāḷi |
೨. ಹತ್ಥಿನಾಗವಗ್ಗೋ
2. Hatthināgavaggo
೧. ಮಾತುಪೋಸಕಚರಿಯಾ
1. Mātuposakacariyā
೧.
1.
‘‘ಯದಾ ಅಹೋಸಿಂ ಪವನೇ, ಕುಞ್ಜರೋ ಮಾತುಪೋಸಕೋ।
‘‘Yadā ahosiṃ pavane, kuñjaro mātuposako;
ನ ತದಾ ಅತ್ಥಿ ಮಹಿಯಾ, ಗುಣೇನ ಮಮ ಸಾದಿಸೋ॥
Na tadā atthi mahiyā, guṇena mama sādiso.
೨.
2.
‘‘ಪವನೇ ದಿಸ್ವಾ ವನಚರೋ, ರಞ್ಞೋ ಮಂ ಪಟಿವೇದಯಿ।
‘‘Pavane disvā vanacaro, rañño maṃ paṭivedayi;
‘ತವಾನುಚ್ಛವೋ ಮಹಾರಾಜ, ಗಜೋ ವಸತಿ ಕಾನನೇ॥
‘Tavānucchavo mahārāja, gajo vasati kānane.
೩.
3.
‘‘‘ನ ತಸ್ಸ ಪರಿಕ್ಖಾಯತ್ಥೋ, ನಪಿ ಆಳಕಕಾಸುಯಾ।
‘‘‘Na tassa parikkhāyattho, napi āḷakakāsuyā;
೪.
4.
‘‘ತಸ್ಸ ತಂ ವಚನಂ ಸುತ್ವಾ, ರಾಜಾಪಿ ತುಟ್ಠಮಾನಸೋ।
‘‘Tassa taṃ vacanaṃ sutvā, rājāpi tuṭṭhamānaso;
ಪೇಸೇಸಿ ಹತ್ಥಿದಮಕಂ, ಛೇಕಾಚರಿಯಂ ಸುಸಿಕ್ಖಿತಂ॥
Pesesi hatthidamakaṃ, chekācariyaṃ susikkhitaṃ.
೫.
5.
‘‘ಗನ್ತ್ವಾ ಸೋ ಹತ್ಥಿದಮಕೋ, ಅದ್ದಸ ಪದುಮಸ್ಸರೇ।
‘‘Gantvā so hatthidamako, addasa padumassare;
೬.
6.
‘‘ವಿಞ್ಞಾಯ ಮೇ ಸೀಲಗುಣಂ, ಲಕ್ಖಣಂ ಉಪಧಾರಯಿ।
‘‘Viññāya me sīlaguṇaṃ, lakkhaṇaṃ upadhārayi;
‘ಏಹಿ ಪುತ್ತಾ’ತಿ ಪತ್ವಾನ, ಮಮ ಸೋಣ್ಡಾಯ ಅಗ್ಗಹಿ॥
‘Ehi puttā’ti patvāna, mama soṇḍāya aggahi.
೭.
7.
‘‘ಯಂ ಮೇ ತದಾ ಪಾಕತಿಕಂ, ಸರೀರಾನುಗತಂ ಬಲಂ।
‘‘Yaṃ me tadā pākatikaṃ, sarīrānugataṃ balaṃ;
ಅಜ್ಜ ನಾಗಸಹಸ್ಸಾನಂ, ಬಲೇನ ಸಮಸಾದಿಸಂ॥
Ajja nāgasahassānaṃ, balena samasādisaṃ.
೮.
8.
‘‘ಯದಿಹಂ ತೇಸಂ ಪಕುಪ್ಪೇಯ್ಯಂ, ಉಪೇತಾನಂ ಗಹಣಾಯ ಮಂ।
‘‘Yadihaṃ tesaṃ pakuppeyyaṃ, upetānaṃ gahaṇāya maṃ;
ಪಟಿಬಲೋ ಭವೇ ತೇಸಂ, ಯಾವ ರಜ್ಜಮ್ಪಿ ಮಾನುಸಂ॥
Paṭibalo bhave tesaṃ, yāva rajjampi mānusaṃ.
೯.
9.
‘‘ಅಪಿ ಚಾಹಂ ಸೀಲರಕ್ಖಾಯ, ಸೀಲಪಾರಮಿಪೂರಿಯಾ।
‘‘Api cāhaṃ sīlarakkhāya, sīlapāramipūriyā;
ನ ಕರೋಮಿ ಚಿತ್ತೇ ಅಞ್ಞಥತ್ತಂ, ಪಕ್ಖಿಪನ್ತಂ ಮಮಾಳಕೇ॥
Na karomi citte aññathattaṃ, pakkhipantaṃ mamāḷake.
೧೦.
10.
‘‘ಯದಿ ತೇ ಮಂ ತತ್ಥ ಕೋಟ್ಟೇಯ್ಯುಂ, ಫರಸೂಹಿ ತೋಮರೇಹಿ ಚ।
‘‘Yadi te maṃ tattha koṭṭeyyuṃ, pharasūhi tomarehi ca;
ನೇವ ತೇಸಂ ಪಕುಪ್ಪೇಯ್ಯಂ, ಸೀಲಖಣ್ಡಭಯಾ ಮಮಾ’’ತಿ॥
Neva tesaṃ pakuppeyyaṃ, sīlakhaṇḍabhayā mamā’’ti.
ಮಾತುಪೋಸಕಚರಿಯಂ ಪಠಮಂ।
Mātuposakacariyaṃ paṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಚರಿಯಾಪಿಟಕ-ಅಟ್ಠಕಥಾ • Cariyāpiṭaka-aṭṭhakathā / ೧. ಮಾತುಪೋಸಕಚರಿಯಾವಣ್ಣನಾ • 1. Mātuposakacariyāvaṇṇanā
