| Library / Tipiṭaka / તિપિટક • Tipiṭaka / પેતવત્થુ-અટ્ઠકથા • Petavatthu-aṭṭhakathā |
૫. મટ્ઠકુણ્ડલીપેતવત્થુવણ્ણના
5. Maṭṭhakuṇḍalīpetavatthuvaṇṇanā
અલઙ્કતો મટ્ઠકુણ્ડલીતિ ઇદં સત્થરિ જેતવને વિહરન્તે મટ્ઠકુણ્ડલિદેવપુત્તં આરબ્ભ વુત્તં. તત્થ યં વત્તબ્બં, તં પરમત્થદીપનિયં વિમાનવત્થુવણ્ણનાયં મટ્ઠકુણ્ડલીવિમાનવત્થુવણ્ણનાય (વિ॰ વ॰ અટ્ઠ॰ ૧૨૦૬ મટ્ઠકુણ્ડલીવિમાનવણ્ણના) વુત્તમેવ, તસ્મા તત્થ વુત્તનયેનેવ વેદિતબ્બં.
Alaṅkato maṭṭhakuṇḍalīti idaṃ satthari jetavane viharante maṭṭhakuṇḍalidevaputtaṃ ārabbha vuttaṃ. Tattha yaṃ vattabbaṃ, taṃ paramatthadīpaniyaṃ vimānavatthuvaṇṇanāyaṃ maṭṭhakuṇḍalīvimānavatthuvaṇṇanāya (vi. va. aṭṭha. 1206 maṭṭhakuṇḍalīvimānavaṇṇanā) vuttameva, tasmā tattha vuttanayeneva veditabbaṃ.
એત્થ ચ મટ્ઠકુણ્ડલીદેવપુત્તસ્સ વિમાનદેવતાભાવતો તસ્સ વત્થુ યદિપિ વિમાનવત્થુપાળિયં સઙ્ગહં આરોપિતં, યસ્મા પન સો દેવપુત્તો અદિન્નપુબ્બકબ્રાહ્મણસ્સ પુત્તસોકેન સુસાનં ગન્ત્વા આળાહનં અનુપરિયાયિત્વા રોદન્તસ્સ સોકહરણત્થં અત્તનો દેવરૂપં પટિસંહરિત્વા હરિચન્દનુસ્સદો બાહા પગ્ગય્હ કન્દન્તો દુક્ખાભિભૂતાકારેન પેતો વિય અત્તાનં દસ્સેસિ. મનુસ્સત્તભાવતો અપેતત્તા પેતપરિયાયોપિ લબ્ભતિ એવાતિ તસ્સ વત્થુ પેતવત્થુપાળિયમ્પિ સઙ્ગહં આરોપિતન્તિ દટ્ઠબ્બં.
Ettha ca maṭṭhakuṇḍalīdevaputtassa vimānadevatābhāvato tassa vatthu yadipi vimānavatthupāḷiyaṃ saṅgahaṃ āropitaṃ, yasmā pana so devaputto adinnapubbakabrāhmaṇassa puttasokena susānaṃ gantvā āḷāhanaṃ anupariyāyitvā rodantassa sokaharaṇatthaṃ attano devarūpaṃ paṭisaṃharitvā haricandanussado bāhā paggayha kandanto dukkhābhibhūtākārena peto viya attānaṃ dassesi. Manussattabhāvato apetattā petapariyāyopi labbhati evāti tassa vatthu petavatthupāḷiyampi saṅgahaṃ āropitanti daṭṭhabbaṃ.
મટ્ઠકુણ્ડલીપેતવત્થુવણ્ણના નિટ્ઠિતા.
Maṭṭhakuṇḍalīpetavatthuvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / પેતવત્થુપાળિ • Petavatthupāḷi / ૫. મટ્ઠકુણ્ડલીપેતવત્થુ • 5. Maṭṭhakuṇḍalīpetavatthu
