| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
маад̇игааван̣н̣анаа
Mātikāvaṇṇanā
(ка-ж̇а) ид̣̇аани ‘‘самаад̇ига’’нд̇и вуд̇д̇ад̇д̇аа маад̇игам̣ д̇аава д̣̇ассзд̇ум̣ ‘‘баарааж̇игаа жа жад̇д̇ааро’’д̇иаад̣̇и аарад̣̇д̇хам̣. саб̣б̣асигкаанам̣ бана муулабхууд̇ад̇д̇аа ад̇хисийласигкаава батамам̣ вуд̇д̇аа. ‘‘сийлз бад̇идтааяаа’’д̇и (сум̣. ни. 1.1.23, 192; бздаго. 22; ми. ба. 2.1.9) хи вуд̇д̇ам̣. д̇ад̇рааби махаасааваж̇ж̇ад̇д̇аа, муулажчзж̇ж̇авасзна бавад̇д̇анад̇о жа саб̣б̣абатамам̣ ж̇аанид̇аб̣б̣аад̇и баарааж̇игаава батамам̣ вуд̇д̇аад̇и. ид̣̇аани яат̇аанигкид̇д̇аани маад̇игаабад̣̇аани бадибаадияаа вид̇т̇аарзд̇ваа д̣̇ассзд̇ум̣ ‘‘баарааж̇игаа жа жад̇д̇ааро’’д̇и батамабад̣̇ам̣ уд̣̇д̇хадам̣, д̇ассааяамад̇т̇о – баарааж̇игаад̇и барааж̇ид̇аа барааж̇аяамаабаннаа, сигкаабад̣̇ам̣ ад̇иггамид̇ваа д̇знзва аабад̇д̇им̣ аабаж̇ж̇ид̇ваа, д̇ааяа ваа барааж̇аяамаабаад̣̇ид̇аанамзд̇ам̣ ад̇хиважанам̣, д̇з бана жад̇д̇аарод̇и вуд̇д̇ам̣ ход̇и.
(Kha-ja) idāni ‘‘samātika’’nti vuttattā mātikaṃ tāva dassetuṃ ‘‘pārājikā ca cattāro’’tiādi āraddhaṃ. Sabbasikkhānaṃ pana mūlabhūtattā adhisīlasikkhāva paṭhamaṃ vuttā. ‘‘Sīle patiṭṭhāyā’’ti (suṃ. ni. 1.1.23, 192; peṭako. 22; mi. pa. 2.1.9) hi vuttaṃ. Tatrāpi mahāsāvajjattā, mūlacchejjavasena pavattanato ca sabbapaṭhamaṃ jānitabbāti pārājikāva paṭhamaṃ vuttāti. Idāni yathānikkhittāni mātikāpadāni paṭipāṭiyā vitthāretvā dassetuṃ ‘‘pārājikā ca cattāro’’ti paṭhamapadaṃ uddhaṭaṃ, tassāyamattho – pārājikāti parājitā parājayamāpannā, sikkhāpadaṃ atikkamitvā teneva āpattiṃ āpajjitvā, tāya vā parājayamāpāditānametaṃ adhivacanaṃ, te pana cattāroti vuttaṃ hoti.
