| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៧. មញ្ជរិបូជកត្ថេរអបទានំ
7. Mañjaripūjakattheraapadānaṃ
២៣.
23.
‘‘មញ្ជរិកំ ករិត្វាន, រថិយំ បដិបជ្ជហំ;
‘‘Mañjarikaṃ karitvāna, rathiyaṃ paṭipajjahaṃ;
អទ្ទសំ សមណានគ្គំ, ភិក្ខុសង្ឃបុរក្ខតំ។
Addasaṃ samaṇānaggaṃ, bhikkhusaṅghapurakkhataṃ.
២៤.
24.
‘‘បសន្នចិត្តោ សុមនោ, បរមាយ ច បីតិយា;
‘‘Pasannacitto sumano, paramāya ca pītiyā;
ឧភោ ហត្ថេហិ បគ្គយ្ហ, ពុទ្ធស្ស អភិរោបយិំ។
Ubho hatthehi paggayha, buddhassa abhiropayiṃ.
២៥.
25.
‘‘ទ្វេនវុតេ ឥតោ កប្បេ, យំ បុប្ផមភិបូជយិំ;
‘‘Dvenavute ito kappe, yaṃ pupphamabhipūjayiṃ;
ទុគ្គតិំ នាភិជានាមិ, បុប្ផបូជាយិទំ ផលំ។
Duggatiṃ nābhijānāmi, pupphapūjāyidaṃ phalaṃ.
២៦.
26.
‘‘ឥតោ តេសត្តតិកប្បេ, ឯកោ អាសិំ មហីបតិ;
‘‘Ito tesattatikappe, eko āsiṃ mahīpati;
ជោតិយោ នាម នាមេន, ចក្កវត្តី មហព្ពលោ។
Jotiyo nāma nāmena, cakkavattī mahabbalo.
២៧.
27.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា មញ្ជរិបូជកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā mañjaripūjako thero imā gāthāyo abhāsitthāti.
មញ្ជរិបូជកត្ថេរស្សាបទានំ សត្តមំ។
Mañjaripūjakattherassāpadānaṃ sattamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១-១០. ថោមកត្ថេរអបទានាទិវណ្ណនា • 1-10. Thomakattheraapadānādivaṇṇanā
