| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
8. மணிபூஜகத்தே²ரஅபதா³னங்
8. Maṇipūjakattheraapadānaṃ
34.
34.
‘‘ஓரேன ஹிமவந்தஸ்ஸ, நதி³கா ஸம்பவத்தத²;
‘‘Orena himavantassa, nadikā sampavattatha;
தஸ்ஸா சானுபகெ²த்தம்ஹி, ஸயம்பூ⁴ வஸதே ததா³.
Tassā cānupakhettamhi, sayambhū vasate tadā.
35.
35.
‘‘மணிங் பக்³க³ய்ஹ பல்லங்கங், ஸாது⁴சித்தங் மனோரமங்;
‘‘Maṇiṃ paggayha pallaṅkaṃ, sādhucittaṃ manoramaṃ;
பஸன்னசித்தோ ஸுமனோ, பு³த்³த⁴ஸ்ஸ அபி⁴ரோபயிங்.
Pasannacitto sumano, buddhassa abhiropayiṃ.
36.
36.
‘‘சதுன்னவுதிதோ கப்பே, யங் மணிங் அபி⁴ரோபயிங்;
‘‘Catunnavutito kappe, yaṃ maṇiṃ abhiropayiṃ;
து³க்³க³திங் நாபி⁴ஜானாமி, பு³த்³த⁴பூஜாயித³ங் ப²லங்.
Duggatiṃ nābhijānāmi, buddhapūjāyidaṃ phalaṃ.
37.
37.
‘‘இதோ ச த்³வாத³ஸே கப்பே, ஸதரங்ஸீஸனாமகா;
‘‘Ito ca dvādase kappe, sataraṃsīsanāmakā;
அட்ட² தே ஆஸுங் ராஜானோ, சக்கவத்தீ மஹப்³ப³லா.
Aṭṭha te āsuṃ rājāno, cakkavattī mahabbalā.
38.
38.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா மணிபூஜகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā maṇipūjako thero imā gāthāyo abhāsitthāti.
மணிபூஜகத்தே²ரஸ்ஸாபதா³னங் அட்ட²மங்.
Maṇipūjakattherassāpadānaṃ aṭṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 8. மணிபூஜகத்தே²ரஅபதா³னவண்ணனா • 8. Maṇipūjakattheraapadānavaṇṇanā
