| Library / Tipiṭaka / තිපිටක • Tipiṭaka / අපදානපාළි • Apadānapāḷi |
8. මඤ්චදායකත්ථෙරඅපදානං
8. Mañcadāyakattheraapadānaṃ
30.
30.
‘‘විපස්සිනො භගවතො, ලොකජෙට්ඨස්ස තාදිනො;
‘‘Vipassino bhagavato, lokajeṭṭhassa tādino;
එකං මඤ්චං මයා දින්නං, පසන්නෙන සපාණිනා.
Ekaṃ mañcaṃ mayā dinnaṃ, pasannena sapāṇinā.
31.
31.
‘‘හත්ථියානං අස්සයානං, දිබ්බයානං සමජ්ඣගං;
‘‘Hatthiyānaṃ assayānaṃ, dibbayānaṃ samajjhagaṃ;
තෙන මඤ්චකදානෙන, පත්තොම්හි ආසවක්ඛයං.
Tena mañcakadānena, pattomhi āsavakkhayaṃ.
32.
32.
‘‘එකනවුතිතො කප්පෙ, යං මඤ්චමදදිං තදා;
‘‘Ekanavutito kappe, yaṃ mañcamadadiṃ tadā;
දුග්ගතිං නාභිජානාමි, මඤ්චදානස්සිදං ඵලං.
Duggatiṃ nābhijānāmi, mañcadānassidaṃ phalaṃ.
33.
33.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා මඤ්චදායකො ථෙරො ඉමා ගාථායො අභාසිත්ථාති.
Itthaṃ sudaṃ āyasmā mañcadāyako thero imā gāthāyo abhāsitthāti.
මඤ්චදායකත්ථෙරස්සාපදානං අට්ඨමං.
Mañcadāyakattherassāpadānaṃ aṭṭhamaṃ.
