| Library / Tipiṭaka / තිපිටක • Tipiṭaka / අපදානපාළි • Apadānapāḷi |
9. සරණගමනියත්ථෙරඅපදානං
9. Saraṇagamaniyattheraapadānaṃ
34.
34.
‘‘ආරුහිම්හ තදා නාවං, භික්ඛු චාජීවකො චහං;
‘‘Āruhimha tadā nāvaṃ, bhikkhu cājīvako cahaṃ;
නාවාය භිජ්ජමානාය, භික්ඛු මෙ සරණං අදා.
Nāvāya bhijjamānāya, bhikkhu me saraṇaṃ adā.
35.
35.
‘‘එකත්තිංසෙ ඉතො කප්පෙ, යඤ්ච මෙ සරණං අදා;
‘‘Ekattiṃse ito kappe, yañca me saraṇaṃ adā;
දුග්ගතිං නාභිජානාමි, සරණාගමනෙ ඵලං.
Duggatiṃ nābhijānāmi, saraṇāgamane phalaṃ.
36.
36.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා සරණගමනියො ථෙරො ඉමා ගාථායො අභාසිත්ථාති.
Itthaṃ sudaṃ āyasmā saraṇagamaniyo thero imā gāthāyo abhāsitthāti.
සරණගමනියත්ථෙරස්සාපදානං නවමං.
Saraṇagamaniyattherassāpadānaṃ navamaṃ.
