| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൫. മാനത്ഥദ്ധസുത്തവണ്ണനാ
5. Mānatthaddhasuttavaṇṇanā
൨൦൧. മാനേന ഥദ്ധോതി ‘‘അയം ഖോ’’തിആദിനാ പഗ്ഗഹിതേന മാനേന ഥദ്ധോ ബജ്ഝിതചിത്തോ ഥദ്ധഅയോസലാകോ വിയ കസ്സചിപി അനോനതോ. ന കിഞ്ചി ജാനാതി ലോകേ പടിസന്ഥാരമത്തസ്സപി അജാനനതോ.
201.Mānenathaddhoti ‘‘ayaṃ kho’’tiādinā paggahitena mānena thaddho bajjhitacitto thaddhaayosalāko viya kassacipi anonato. Na kiñci jānāti loke paṭisanthāramattassapi ajānanato.
അബ്ഭുതവിത്തജാതാതി സഞ്ജാതഅബ്ഭുതവിത്താ. വിത്തം വിത്തീതി ച തുട്ഠിപരിയായാ. അഭൂതപുബ്ബായാതി യാ തസ്സാ പരിസായ വിത്തി തദാ ഭൂതാ, സാ ഇതോ പുബ്ബേ അഭൂതാ. തേനാഹ ‘‘അഭൂത…പേ॰… സമന്നാഗതാ’’തി. അസ്സ പുഗ്ഗലസ്സാതി അനേന പുഗ്ഗലേന. അപചിതാതി പരമനിപച്ചേന പൂജനീയസാമഞ്ഞതോ തത്ഥ അത്തനോ പക്ഖിപനം ഇധ ദേസനാകോസല്ലം.
Abbhutavittajātāti sañjātaabbhutavittā. Vittaṃ vittīti ca tuṭṭhipariyāyā. Abhūtapubbāyāti yā tassā parisāya vitti tadā bhūtā, sā ito pubbe abhūtā. Tenāha ‘‘abhūta…pe… samannāgatā’’ti. Assa puggalassāti anena puggalena. Apacitāti paramanipaccena pūjanīyasāmaññato tattha attano pakkhipanaṃ idha desanākosallaṃ.
മാനത്ഥദ്ധസുത്തവണ്ണനാ നിട്ഠിതാ.
Mānatthaddhasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൫. മാനത്ഥദ്ധസുത്തം • 5. Mānatthaddhasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൫. മാനത്ഥദ്ധസുത്തവണ്ണനാ • 5. Mānatthaddhasuttavaṇṇanā
