| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൫. മാനത്ഥദ്ധസുത്തവണ്ണനാ
5. Mānatthaddhasuttavaṇṇanā
൨൦൧. പഞ്ചമേ മാനത്ഥദ്ധോതി വാതഭരിതഭസ്താ വിയ മാനേന ഥദ്ധോ. ആചരിയന്തി സിപ്പുഗ്ഗഹണകാലേ ആചരിയോ അനഭിവാദേന്തസ്സ സിപ്പം ന ദേതി, അഞ്ഞസ്മിം പന കാലേ തം ന അഭിവാദേതി, അത്ഥിഭാവമ്പിസ്സ ന ജാനാതി. നായം സമണോതി ഏവം കിരസ്സ അഹോസി – ‘‘യസ്മാ അയം സമണോ മാദിസേ ജാതിസമ്പന്നബ്രാഹ്മണേ സമ്പത്തേ പടിസന്ഥാരമത്തമ്പി ന കരോതി, തസ്മാ ന കിഞ്ചി ജാനാതീ’’തി.
201. Pañcame mānatthaddhoti vātabharitabhastā viya mānena thaddho. Ācariyanti sippuggahaṇakāle ācariyo anabhivādentassa sippaṃ na deti, aññasmiṃ pana kāle taṃ na abhivādeti, atthibhāvampissa na jānāti. Nāyaṃ samaṇoti evaṃ kirassa ahosi – ‘‘yasmā ayaṃ samaṇo mādise jātisampannabrāhmaṇe sampatte paṭisanthāramattampi na karoti, tasmā na kiñci jānātī’’ti.
അബ്ഭുതവിത്തജാതാതി അഭൂതപുബ്ബായ തുട്ഠിയാ സമന്നാഗതാ. കേസു ചസ്സാതി കേസു ഭവേയ്യ. ക്യസ്സാതി കേ അസ്സ പുഗ്ഗലസ്സ. അപചിതാ അസ്സൂതി അപചിതിം ദസ്സേതും യുത്താ ഭവേയ്യും. അരഹന്തേതി ഇമായ ഗാഥായ ദേസനാകുസലത്താ അത്താനം അന്തോകത്വാ പൂജനേയ്യം ദസ്സേതി. പഞ്ചമം.
Abbhutavittajātāti abhūtapubbāya tuṭṭhiyā samannāgatā. Kesu cassāti kesu bhaveyya. Kyassāti ke assa puggalassa. Apacitā assūti apacitiṃ dassetuṃ yuttā bhaveyyuṃ. Arahanteti imāya gāthāya desanākusalattā attānaṃ antokatvā pūjaneyyaṃ dasseti. Pañcamaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൫. മാനത്ഥദ്ധസുത്തം • 5. Mānatthaddhasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൫. മാനത്ഥദ്ധസുത്തവണ്ണനാ • 5. Mānatthaddhasuttavaṇṇanā
