| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༥. མཱནཏྠདྡྷསུཏྟཝཎྞནཱ
5. Mānatthaddhasuttavaṇṇanā
༢༠༡. མཱནེན ཐདྡྷོཏི ‘‘ཨཡཾ ཁོ’’ཏིཨཱདིནཱ པགྒཧིཏེན མཱནེན ཐདྡྷོ བཛ྄ཛྷིཏཙིཏྟོ ཐདྡྷཨཡོསལཱཀོ ཝིཡ ཀསྶཙིཔི ཨནོནཏོ། ན ཀིཉྩི ཛཱནཱཏི ལོཀེ པཊིསནྠཱརམཏྟསྶཔི ཨཛཱནནཏོ།
201.Mānenathaddhoti ‘‘ayaṃ kho’’tiādinā paggahitena mānena thaddho bajjhitacitto thaddhaayosalāko viya kassacipi anonato. Na kiñci jānāti loke paṭisanthāramattassapi ajānanato.
ཨབྦྷུཏཝིཏྟཛཱཏཱཏི སཉྫཱཏཨབྦྷུཏཝིཏྟཱ། ཝིཏྟཾ ཝིཏྟཱིཏི ཙ ཏུཊྛིཔརིཡཱཡཱ། ཨབྷཱུཏཔུབྦཱཡཱཏི ཡཱ ཏསྶཱ པརིསཱཡ ཝིཏྟི ཏདཱ བྷཱུཏཱ, སཱ ཨིཏོ པུབྦེ ཨབྷཱུཏཱ། ཏེནཱཧ ‘‘ཨབྷཱུཏ…པེ॰… སམནྣཱགཏཱ’’ཏི། ཨསྶ པུགྒལསྶཱཏི ཨནེན པུགྒལེན། ཨཔཙིཏཱཏི པརམནིཔཙྩེན པཱུཛནཱིཡསཱམཉྙཏོ ཏཏྠ ཨཏྟནོ པཀྑིཔནཾ ཨིདྷ དེསནཱཀོསལླཾ།
Abbhutavittajātāti sañjātaabbhutavittā. Vittaṃ vittīti ca tuṭṭhipariyāyā. Abhūtapubbāyāti yā tassā parisāya vitti tadā bhūtā, sā ito pubbe abhūtā. Tenāha ‘‘abhūta…pe… samannāgatā’’ti. Assa puggalassāti anena puggalena. Apacitāti paramanipaccena pūjanīyasāmaññato tattha attano pakkhipanaṃ idha desanākosallaṃ.
མཱནཏྠདྡྷསུཏྟཝཎྞནཱ ནིཊྛིཏཱ།
Mānatthaddhasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༥. མཱནཏྠདྡྷསུཏྟཾ • 5. Mānatthaddhasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༥. མཱནཏྠདྡྷསུཏྟཝཎྞནཱ • 5. Mānatthaddhasuttavaṇṇanā
