| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༥. མཱནཏྠདྡྷསུཏྟཝཎྞནཱ
5. Mānatthaddhasuttavaṇṇanā
༢༠༡. པཉྩམེ མཱནཏྠདྡྷོཏི ཝཱཏབྷརིཏབྷསྟཱ ཝིཡ མཱནེན ཐདྡྷོ། ཨཱཙརིཡནྟི སིཔྤུགྒཧཎཀཱལེ ཨཱཙརིཡོ ཨནབྷིཝཱདེནྟསྶ སིཔྤཾ ན དེཏི, ཨཉྙསྨིཾ པན ཀཱལེ ཏཾ ན ཨབྷིཝཱདེཏི, ཨཏྠིབྷཱཝམྤིསྶ ན ཛཱནཱཏི། ནཱཡཾ སམཎོཏི ཨེཝཾ ཀིརསྶ ཨཧོསི – ‘‘ཡསྨཱ ཨཡཾ སམཎོ མཱདིསེ ཛཱཏིསམྤནྣབྲཱཧྨཎེ སམྤཏྟེ པཊིསནྠཱརམཏྟམྤི ན ཀརོཏི, ཏསྨཱ ན ཀིཉྩི ཛཱནཱཏཱི’’ཏི།
201. Pañcame mānatthaddhoti vātabharitabhastā viya mānena thaddho. Ācariyanti sippuggahaṇakāle ācariyo anabhivādentassa sippaṃ na deti, aññasmiṃ pana kāle taṃ na abhivādeti, atthibhāvampissa na jānāti. Nāyaṃ samaṇoti evaṃ kirassa ahosi – ‘‘yasmā ayaṃ samaṇo mādise jātisampannabrāhmaṇe sampatte paṭisanthāramattampi na karoti, tasmā na kiñci jānātī’’ti.
ཨབྦྷུཏཝིཏྟཛཱཏཱཏི ཨབྷཱུཏཔུབྦཱཡ ཏུཊྛིཡཱ སམནྣཱགཏཱ། ཀེསུ ཙསྶཱཏི ཀེསུ བྷཝེཡྻ། ཀྱསྶཱཏི ཀེ ཨསྶ པུགྒལསྶ། ཨཔཙིཏཱ ཨསྶཱུཏི ཨཔཙིཏིཾ དསྶེཏུཾ ཡུཏྟཱ བྷཝེཡྻུཾ། ཨརཧནྟེཏི ཨིམཱཡ གཱཐཱཡ དེསནཱཀུསལཏྟཱ ཨཏྟཱནཾ ཨནྟོཀཏྭཱ པཱུཛནེཡྻཾ དསྶེཏི། པཉྩམཾ།
Abbhutavittajātāti abhūtapubbāya tuṭṭhiyā samannāgatā. Kesu cassāti kesu bhaveyya. Kyassāti ke assa puggalassa. Apacitā assūti apacitiṃ dassetuṃ yuttā bhaveyyuṃ. Arahanteti imāya gāthāya desanākusalattā attānaṃ antokatvā pūjaneyyaṃ dasseti. Pañcamaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༥. མཱནཏྠདྡྷསུཏྟཾ • 5. Mānatthaddhasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༥. མཱནཏྠདྡྷསུཏྟཝཎྞནཱ • 5. Mānatthaddhasuttavaṇṇanā
