| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၅. မာနတ္ထဒ္ဓသုတ္တဝဏ္ဏနာ
5. Mānatthaddhasuttavaṇṇanā
၂၀၁. မာနေန ထဒ္ဓောတိ ‘‘အယံ ခော’’တိအာဒိနာ ပဂ္ဂဟိတေန မာနေန ထဒ္ဓော ဗဇ္ဈိတစိတ္တော ထဒ္ဓအယောသလာကော ဝိယ ကသ္သစိပိ အနောနတော။ န ကိဉ္စိ ဇာနာတိ လောကေ ပဋိသန္ထာရမတ္တသ္သပိ အဇာနနတော။
201.Mānenathaddhoti ‘‘ayaṃ kho’’tiādinā paggahitena mānena thaddho bajjhitacitto thaddhaayosalāko viya kassacipi anonato. Na kiñci jānāti loke paṭisanthāramattassapi ajānanato.
အဗ္ဘုတဝိတ္တဇာတာတိ သဉ္ဇာတအဗ္ဘုတဝိတ္တာ။ ဝိတ္တံ ဝိတ္တီတိ စ တုဋ္ဌိပရိယာယာ။ အဘူတပုဗ္ဗာယာတိ ယာ တသ္သာ ပရိသာယ ဝိတ္တိ တဒာ ဘူတာ, သာ ဣတော ပုဗ္ဗေ အဘူတာ။ တေနာဟ ‘‘အဘူတ။ပေ.။ သမန္နာဂတာ’’တိ။ အသ္သ ပုဂ္ဂလသ္သာတိ အနေန ပုဂ္ဂလေန။ အပစိတာတိ ပရမနိပစ္စေန ပူဇနီယသာမညတော တတ္ထ အတ္တနော ပက္ခိပနံ ဣဓ ဒေသနာကောသလ္လံ။
Abbhutavittajātāti sañjātaabbhutavittā. Vittaṃ vittīti ca tuṭṭhipariyāyā. Abhūtapubbāyāti yā tassā parisāya vitti tadā bhūtā, sā ito pubbe abhūtā. Tenāha ‘‘abhūta…pe… samannāgatā’’ti. Assa puggalassāti anena puggalena. Apacitāti paramanipaccena pūjanīyasāmaññato tattha attano pakkhipanaṃ idha desanākosallaṃ.
မာနတ္ထဒ္ဓသုတ္တဝဏ္ဏနာ နိဋ္ဌိတာ။
Mānatthaddhasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၅. မာနတ္ထဒ္ဓသုတ္တံ • 5. Mānatthaddhasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅. မာနတ္ထဒ္ဓသုတ္တဝဏ္ဏနာ • 5. Mānatthaddhasuttavaṇṇanā
