| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૫. માનત્થદ્ધસુત્તવણ્ણના
5. Mānatthaddhasuttavaṇṇanā
૨૦૧. માનેન થદ્ધોતિ ‘‘અયં ખો’’તિઆદિના પગ્ગહિતેન માનેન થદ્ધો બજ્ઝિતચિત્તો થદ્ધઅયોસલાકો વિય કસ્સચિપિ અનોનતો. ન કિઞ્ચિ જાનાતિ લોકે પટિસન્થારમત્તસ્સપિ અજાનનતો.
201.Mānenathaddhoti ‘‘ayaṃ kho’’tiādinā paggahitena mānena thaddho bajjhitacitto thaddhaayosalāko viya kassacipi anonato. Na kiñci jānāti loke paṭisanthāramattassapi ajānanato.
અબ્ભુતવિત્તજાતાતિ સઞ્જાતઅબ્ભુતવિત્તા. વિત્તં વિત્તીતિ ચ તુટ્ઠિપરિયાયા. અભૂતપુબ્બાયાતિ યા તસ્સા પરિસાય વિત્તિ તદા ભૂતા, સા ઇતો પુબ્બે અભૂતા. તેનાહ ‘‘અભૂત…પે॰… સમન્નાગતા’’તિ. અસ્સ પુગ્ગલસ્સાતિ અનેન પુગ્ગલેન. અપચિતાતિ પરમનિપચ્ચેન પૂજનીયસામઞ્ઞતો તત્થ અત્તનો પક્ખિપનં ઇધ દેસનાકોસલ્લં.
Abbhutavittajātāti sañjātaabbhutavittā. Vittaṃ vittīti ca tuṭṭhipariyāyā. Abhūtapubbāyāti yā tassā parisāya vitti tadā bhūtā, sā ito pubbe abhūtā. Tenāha ‘‘abhūta…pe… samannāgatā’’ti. Assa puggalassāti anena puggalena. Apacitāti paramanipaccena pūjanīyasāmaññato tattha attano pakkhipanaṃ idha desanākosallaṃ.
માનત્થદ્ધસુત્તવણ્ણના નિટ્ઠિતા.
Mānatthaddhasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૫. માનત્થદ્ધસુત્તં • 5. Mānatthaddhasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૫. માનત્થદ્ધસુત્તવણ્ણના • 5. Mānatthaddhasuttavaṇṇanā
