| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૫. માનત્થદ્ધસુત્તવણ્ણના
5. Mānatthaddhasuttavaṇṇanā
૨૦૧. પઞ્ચમે માનત્થદ્ધોતિ વાતભરિતભસ્તા વિય માનેન થદ્ધો. આચરિયન્તિ સિપ્પુગ્ગહણકાલે આચરિયો અનભિવાદેન્તસ્સ સિપ્પં ન દેતિ, અઞ્ઞસ્મિં પન કાલે તં ન અભિવાદેતિ, અત્થિભાવમ્પિસ્સ ન જાનાતિ. નાયં સમણોતિ એવં કિરસ્સ અહોસિ – ‘‘યસ્મા અયં સમણો માદિસે જાતિસમ્પન્નબ્રાહ્મણે સમ્પત્તે પટિસન્થારમત્તમ્પિ ન કરોતિ, તસ્મા ન કિઞ્ચિ જાનાતી’’તિ.
201. Pañcame mānatthaddhoti vātabharitabhastā viya mānena thaddho. Ācariyanti sippuggahaṇakāle ācariyo anabhivādentassa sippaṃ na deti, aññasmiṃ pana kāle taṃ na abhivādeti, atthibhāvampissa na jānāti. Nāyaṃ samaṇoti evaṃ kirassa ahosi – ‘‘yasmā ayaṃ samaṇo mādise jātisampannabrāhmaṇe sampatte paṭisanthāramattampi na karoti, tasmā na kiñci jānātī’’ti.
અબ્ભુતવિત્તજાતાતિ અભૂતપુબ્બાય તુટ્ઠિયા સમન્નાગતા. કેસુ ચસ્સાતિ કેસુ ભવેય્ય. ક્યસ્સાતિ કે અસ્સ પુગ્ગલસ્સ. અપચિતા અસ્સૂતિ અપચિતિં દસ્સેતું યુત્તા ભવેય્યું. અરહન્તેતિ ઇમાય ગાથાય દેસનાકુસલત્તા અત્તાનં અન્તોકત્વા પૂજનેય્યં દસ્સેતિ. પઞ્ચમં.
Abbhutavittajātāti abhūtapubbāya tuṭṭhiyā samannāgatā. Kesu cassāti kesu bhaveyya. Kyassāti ke assa puggalassa. Apacitā assūti apacitiṃ dassetuṃ yuttā bhaveyyuṃ. Arahanteti imāya gāthāya desanākusalattā attānaṃ antokatvā pūjaneyyaṃ dasseti. Pañcamaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૫. માનત્થદ્ધસુત્તં • 5. Mānatthaddhasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૫. માનત્થદ્ધસુત્તવણ્ણના • 5. Mānatthaddhasuttavaṇṇanā
