| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၆. မလ္လိကာသုတ္တဝဏ္ဏနာ
6. Mallikāsuttavaṇṇanā
၁၂၇. ဆဋ္ဌေ ဥပသင္ကမီတိ မလ္လိကာယ ဒေဝိယာ ဂဗ္ဘဝုဋ္ဌာနကာလေ သူတိဃရံ ပဋိဇဂ္ဂာပေတ္ဝာ အာရက္ခံ ဒတ္ဝာ ဥပသင္ကမိ။ အနတ္တမနော အဟောသီတိ, ‘‘ဒုဂ္ဂတကုလသ္သ မေ ဓီတု မဟန္တံ ဣသ္သရိယံ ဒိန္နံ, သစေ ပုတ္တံ အလဘိသ္သ, မဟန္တံ သက္ကာရံ အဓိဂမိသ္သ, တတော ဒာနိ ပရိဟီနာ’’တိ အနတ္တမနော အဟောသိ။ သေယ္ယာတိ ဒန္ဓပညသ္မာ ဧလမူဂပုတ္တတော ဧကစ္စာ ဣတ္ထီယေဝ သေယ္ယာ။ ပောသာတိ ပောသေဟိ။ ဇနာဓိပာတိ ဇနာဓိဘုံ ရာဇာနံ အာလပတိ။ သသ္သုဒေဝာတိ သသ္သုသသုရဒေဝတာ။ ဒိသမ္ပတီတိ ဒိသာဇေဋ္ဌကာ။ တာဒိသာ သုဘဂိယာတိ တာဒိသာယ သုဘရိယာယ။ ဆဋ္ဌံ။
127. Chaṭṭhe upasaṅkamīti mallikāya deviyā gabbhavuṭṭhānakāle sūtigharaṃ paṭijaggāpetvā ārakkhaṃ datvā upasaṅkami. Anattamano ahosīti, ‘‘duggatakulassa me dhītu mahantaṃ issariyaṃ dinnaṃ, sace puttaṃ alabhissa, mahantaṃ sakkāraṃ adhigamissa, tato dāni parihīnā’’ti anattamano ahosi. Seyyāti dandhapaññasmā elamūgaputtato ekaccā itthīyeva seyyā. Posāti posehi. Janādhipāti janādhibhuṃ rājānaṃ ālapati. Sassudevāti sassusasuradevatā. Disampatīti disājeṭṭhakā. Tādisā subhagiyāti tādisāya subhariyāya. Chaṭṭhaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၆. မလ္လိကာသုတ္တံ • 6. Mallikāsuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၆. မလ္လိကာသုတ္တဝဏ္ဏနာ • 6. Mallikāsuttavaṇṇanā
