| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၆. မလ္လိကာသုတ္တံ
6. Mallikāsuttaṃ
၁၂၇. သာဝတ္ထိနိဒာနံ ။ အထ ခော ရာဇာ ပသေနဒိ ကောသလော ယေန ဘဂဝာ တေနုပသင္ကမိ; ဥပသင္ကမိတ္ဝာ ဘဂဝန္တံ အဘိဝာဒေတ္ဝာ ဧကမန္တံ နိသီဒိ။ အထ ခော အညတရော ပုရိသော ယေန ရာဇာ ပသေနဒိ ကောသလော တေနုပသင္ကမိ; ဥပသင္ကမိတ္ဝာ ရညော ပသေနဒိသ္သ ကောသလသ္သ ဥပကဏ္ဏကေ အာရောစေသိ – ‘‘မလ္လိကာ, ဒေဝ, ဒေဝီ ဓီတရံ ဝိဇာတာ’’တိ။ ဧဝံ ဝုတ္တေ, ရာဇာ ပသေနဒိ ကောသလော အနတ္တမနော အဟောသိ။
127. Sāvatthinidānaṃ . Atha kho rājā pasenadi kosalo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Atha kho aññataro puriso yena rājā pasenadi kosalo tenupasaṅkami; upasaṅkamitvā rañño pasenadissa kosalassa upakaṇṇake ārocesi – ‘‘mallikā, deva, devī dhītaraṃ vijātā’’ti. Evaṃ vutte, rājā pasenadi kosalo anattamano ahosi.
အထ ခော ဘဂဝာ ရာဇာနံ ပသေနဒိံ ကောသလံ အနတ္တမနတံ ဝိဒိတ္ဝာ တာယံ ဝေလာယံ ဣမာ ဂာထာယော အဘာသိ –
Atha kho bhagavā rājānaṃ pasenadiṃ kosalaṃ anattamanataṃ viditvā tāyaṃ velāyaṃ imā gāthāyo abhāsi –
‘‘ဣတ္ထီပိ ဟိ ဧကစ္စိယာ၊ သေယ္ယာ ပောသ ဇနာဓိပ။
‘‘Itthīpi hi ekacciyā, seyyā posa janādhipa;
မေဓာဝိနီ သီလဝတီ၊ သသ္သုဒေဝာ ပတိဗ္ဗတာ။
Medhāvinī sīlavatī, sassudevā patibbatā.
‘‘တသ္သာ ယော ဇာယတိ ပောသော၊ သူရော ဟောတိ ဒိသမ္ပတိ။
‘‘Tassā yo jāyati poso, sūro hoti disampati;
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၆. မလ္လိကာသုတ္တဝဏ္ဏနာ • 6. Mallikāsuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၆. မလ္လိကာသုတ္တဝဏ္ဏနာ • 6. Mallikāsuttavaṇṇanā
