| Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೮೬. ಮಹಾಉಕ್ಕುಸಜಾತಕಂ (೩)
486. Mahāukkusajātakaṃ (3)
೪೪.
44.
ಮಿತ್ತಂ ಸಹಾಯಞ್ಚ ವದೇಹಿ ಸೇನಕ, ಆಚಿಕ್ಖ ಞಾತಿಬ್ಯಸನಂ ದಿಜಾನಂ॥
Mittaṃ sahāyañca vadehi senaka, ācikkha ñātibyasanaṃ dijānaṃ.
೪೫.
45.
ಪಜಾ ಮಮಂ ಖಾದಿತುಂ ಪತ್ಥಯನ್ತಿ, ಲುದ್ದಾ ಚಿಲಾಚಾ 9 ಭವ ಮೇ ಸುಖಾಯ॥
Pajā mamaṃ khādituṃ patthayanti, luddā cilācā 10 bhava me sukhāya.
೪೬.
46.
ಮಿತ್ತಂ ಸಹಾಯಞ್ಚ ಕರೋನ್ತಿ ಪಣ್ಡಿತಾ, ಕಾಲೇ ಅಕಾಲೇ ಸುಖಮೇಸಮಾನಾ 11।
Mittaṃ sahāyañca karonti paṇḍitā, kāle akāle sukhamesamānā 12;
ಕರೋಮಿ ತೇ ಸೇನಕ ಏತಮತ್ಥಂ, ಅರಿಯೋ ಹಿ ಅರಿಯಸ್ಸ ಕರೋತಿ ಕಿಚ್ಚಂ॥
Karomi te senaka etamatthaṃ, ariyo hi ariyassa karoti kiccaṃ.
೪೭.
47.
ಯಂ ಹೋತಿ ಕಿಚ್ಚಂ ಅನುಕಮ್ಪಕೇನ, ಅರಿಯಸ್ಸ ಅರಿಯೇನ ಕತಂ ತಯೀದಂ 13।
Yaṃ hoti kiccaṃ anukampakena, ariyassa ariyena kataṃ tayīdaṃ 14;
ಅತ್ತಾನುರಕ್ಖೀ ಭವ ಮಾ ಅದಯ್ಹಿ 15, ಲಚ್ಛಾಮ ಪುತ್ತೇ ತಯಿ ಜೀವಮಾನೇ॥
Attānurakkhī bhava mā adayhi 16, lacchāma putte tayi jīvamāne.
೪೮.
48.
ತವೇವ 17 ರಕ್ಖಾವರಣಂ ಕರೋನ್ತೋ, ಸರೀರಭೇದಾಪಿ ನ ಸನ್ತಸಾಮಿ।
Taveva 18 rakkhāvaraṇaṃ karonto, sarīrabhedāpi na santasāmi;
೪೯.
49.
ಅತ್ಥಾಯ ಕುರರೋ ಪುತ್ತೇ, ಅಡ್ಢರತ್ತೇ ಅನಾಗತೇ॥
Atthāya kuraro putte, aḍḍharatte anāgate.
೫೦.
50.
ಚುತಾಪಿ ಹೇಕೇ 27 ಖಲಿತಾ ಸಕಮ್ಮುನಾ, ಮಿತ್ತಾನುಕಮ್ಪಾಯ ಪತಿಟ್ಠಹನ್ತಿ।
Cutāpi heke 28 khalitā sakammunā, mittānukampāya patiṭṭhahanti;
೫೧.
51.
ಧನೇನ ಧಞ್ಞೇನ ಚ ಅತ್ತನಾ ಚ, ಮಿತ್ತಂ ಸಹಾಯಞ್ಚ ಕರೋನ್ತಿ ಪಣ್ಡಿತಾ।
Dhanena dhaññena ca attanā ca, mittaṃ sahāyañca karonti paṇḍitā;
ಕರೋಮಿ ತೇ ಸೇನಕ ಏತಮತ್ಥಂ, ಅರಿಯೋ ಹಿ ಅರಿಯಸ್ಸ ಕರೋತಿ ಕಿಚ್ಚಂ॥
Karomi te senaka etamatthaṃ, ariyo hi ariyassa karoti kiccaṃ.
೫೨.
52.
ಅಪ್ಪೋಸ್ಸುಕ್ಕೋ ತಾತ ತುವಂ ನಿಸೀದ, ಪುತ್ತೋ ಪಿತು ಚರತಿ ಅತ್ಥಚರಿಯಂ।
Appossukko tāta tuvaṃ nisīda, putto pitu carati atthacariyaṃ;
ಅಹಂ ಚರಿಸ್ಸಾಮಿ ತವೇತಮತ್ಥಂ, ಸೇನಸ್ಸ ಪುತ್ತೇ ಪರಿತಾಯಮಾನೋ॥
Ahaṃ carissāmi tavetamatthaṃ, senassa putte paritāyamāno.
೫೩.
53.
ಅದ್ಧಾ ಹಿ ತಾತ ಸತಮೇಸ ಧಮ್ಮೋ, ಪುತ್ತೋ ಪಿತು ಯಂ ಚರೇ 33 ಅತ್ಥಚರಿಯಂ।
Addhā hi tāta satamesa dhammo, putto pitu yaṃ care 34 atthacariyaṃ;
ಅಪ್ಪೇವ ಮಂ ದಿಸ್ವಾನ ಪವಡ್ಢಕಾಯಂ, ಸೇನಸ್ಸ ಪುತ್ತಾ ನ ವಿಹೇಠಯೇಯ್ಯುಂ॥
Appeva maṃ disvāna pavaḍḍhakāyaṃ, senassa puttā na viheṭhayeyyuṃ.
೫೪.
54.
ಪುತ್ತಾ ಮಮಟ್ಟಾ ಗತಿಮಾಗತೋಸ್ಮಿ, ತ್ವಂ ನೋಸಿ ರಾಜಾ ಭವ ಮೇ ಸುಖಾಯ॥
Puttā mamaṭṭā gatimāgatosmi, tvaṃ nosi rājā bhava me sukhāya.
೫೫.
55.
ಕರೋಮಿ ತೇ ಸೇನಕ ಏತಮತ್ಥಂ, ಆಯಾಮಿ ತೇ ತಂ ದಿಸತಂ ವಧಾಯ।
Karomi te senaka etamatthaṃ, āyāmi te taṃ disataṃ vadhāya;
ಕಥಞ್ಹಿ ವಿಞ್ಞೂ ಪಹು ಸಮ್ಪಜಾನೋ, ನ ವಾಯಮೇ ಅತ್ತಜನಸ್ಸ ಗುತ್ತಿಯಾ॥
Kathañhi viññū pahu sampajāno, na vāyame attajanassa guttiyā.
೫೬.
56.
ಮಿತ್ತಞ್ಚ ಕಯಿರಾಥ ಸುಹದಯಞ್ಚ 39, ಅಯಿರಞ್ಚ ಕಯಿರಾಥ ಸುಖಾಗಮಾಯ।
Mittañca kayirātha suhadayañca 40, ayirañca kayirātha sukhāgamāya;
ನಿವತ್ಥಕೋಚೋವ 41 ಸರೇಭಿಹನ್ತ್ವಾ, ಮೋದಾಮ ಪುತ್ತೇಹಿ ಸಮಙ್ಗಿಭೂತಾ॥
Nivatthakocova 42 sarebhihantvā, modāma puttehi samaṅgibhūtā.
೫೭.
57.
ಸಕಮಿತ್ತಸ್ಸ ಕಮ್ಮೇನ, ಸಹಾಯಸ್ಸಾಪಲಾಯಿನೋ।
Sakamittassa kammena, sahāyassāpalāyino;
ಕೂಜನ್ತಮುಪಕೂಜನ್ತಿ , ಲೋಮಸಾ ಹದಯಙ್ಗಮಂ॥
Kūjantamupakūjanti , lomasā hadayaṅgamaṃ.
೫೮.
58.
ಮಿತ್ತಂ ಸಹಾಯಂ ಅಧಿಗಮ್ಮ ಪಣ್ಡಿತೋ, ಸೋ ಭುಞ್ಜತೀ ಪುತ್ತ ಪಸುಂ ಧನಂ ವಾ।
Mittaṃ sahāyaṃ adhigamma paṇḍito, so bhuñjatī putta pasuṃ dhanaṃ vā;
ಅಹಞ್ಚ ಪುತ್ತಾ ಚ ಪತೀ ಚ ಮಯ್ಹಂ, ಮಿತ್ತಾನುಕಮ್ಪಾಯ ಸಮಙ್ಗಿಭೂತಾ॥
Ahañca puttā ca patī ca mayhaṃ, mittānukampāya samaṅgibhūtā.
೫೯.
59.
ರಾಜವತಾ ಸೂರವತಾ ಚ ಅತ್ಥೋ, ಸಮ್ಪನ್ನಸಖಿಸ್ಸ ಭವನ್ತಿ ಹೇತೇ।
Rājavatā sūravatā ca attho, sampannasakhissa bhavanti hete;
ಸೋ ಮಿತ್ತವಾ ಯಸವಾ ಉಗ್ಗತತ್ತೋ, ಅಸ್ಮಿಂಧಲೋಕೇ 43 ಮೋದತಿ ಕಾಮಕಾಮೀ॥
So mittavā yasavā uggatatto, asmiṃdhaloke 44 modati kāmakāmī.
೬೦.
60.
ಕರಣೀಯಾನಿ ಮಿತ್ತಾನಿ, ದಲಿದ್ದೇನಾಪಿ ಸೇನಕ।
Karaṇīyāni mittāni, daliddenāpi senaka;
೬೧.
61.
ಏವಂ ಸೋ ಸುಖಿತೋ ಹೋತಿ, ಯಥಾಹಂ ತ್ವಞ್ಚ ಸೇನಕಾತಿ॥
Evaṃ so sukhito hoti, yathāhaṃ tvañca senakāti.
ಮಹಾಉಕ್ಕುಸಜಾತಕಂ ತತಿಯಂ।
Mahāukkusajātakaṃ tatiyaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೮೬] ೩. ಮಹಾಉಕ್ಕುಸಜಾತಕವಣ್ಣನಾ • [486] 3. Mahāukkusajātakavaṇṇanā
